Máskeýde QR Prezıdenti týraly kitap tanystyryldy
Eńbektiń avtory belgili reseı jazýshysy Nıkolaı Zenkovıch. Sharaǵa M.V. Lomonosov atyndaǵy Máskeý memlekettik ýnıversıtetiniń rektory Vıktor Sadovnıchıı, «Joǵary ekonomıka mektebi» ulttyq zertteý ýnıversıtetiniń álemdik ekonomıka jáne álemdik saıasat fakýltetiniń dekany Sergeı Karaganov, TASS bas dırektorynyń birinshi orynbasary Mıhaıl Gýsman, kitap avtory - jazýshy Nıkolaı Zenkovıch, «ıAýza» baspasynyń bas dırektory Pavel Bystrov qatysty.
Baspasóz konferentsııasyna moderator retinde sóz sóılegen Mıhaıl Gýsman atap ótkendeı, kitap QR Tuńysh Prezıdenti kúnine arnaldy. «Búgin bizde mańyzdy tanystyrylym. 1 jeltoqsanda bizdiń dostas el - Qazaqstanda dástúr boıynsha Tuńǵysh Prezıdent kúni atalyp ótedi. Búgingi bizdiń kezdesýimiz osy oqıǵaǵa baılanysty», - dedi Gýsman.
Kitapqa qatysýshysy bizdiń Memleket basshysy bolyp tabylatyn álemdik tarıh oqıǵasy arqaý bolǵan. Óz pikirimen sonymen qatar M.V. Lomonosov atyndaǵy MMÝ rektory Vıktor Sadovnıchıı bólisti.
«Kitapty oqydym. Óte qyzyqty jazylǵan. Kitap 25 jylda umytylyp ketken faktiler, kúnder, bir kezderi biz estigen paıymdardy eske túsiretindigimen tarta túsedi. Keleshek urpaq 80-shi jyldardyń aıaǵynan bastap biz kórgen qıyn jyldardaǵy sátterdi kóz aldynan ótkizetin bolady. Bul ýaqyttardy ótkerý ońaı bolǵan joq», - dedi ol.
Sadovnıchıı ómir jolynda Nursultan Nazarbaevtaı tulǵany tanyp-biletinin, maqtan tutatynyn atap ótti. Ol Prezıdentpen tanysqan jyldary týraly óziniń estelikterin aıtyp berdi.