Máskeýde Qazaqstannyń memlekettik rámizder kúni atalyp ótti

MÁSKEÝ. QazAqparat -  Reseı astanasyndaǵy joǵarǵy oqý oryndarda bilim alyp jatqan qazaqstandyq stýdentter Qazaqstan Respýblıkasynyń memlekettik rámizder kúnine arnaıy fleshmob uıymdastyrdy, dep habaraıdy QazAqparat Reseıdegi Qazaqstan elshiligine silteme jasap.

«Biz úshin memlekettik rámizder Qazaqstan táýelsizdigi men ózgesheliginiń asa qadirli belgisi bolyp tabylady. Shet elde bilim alyp jatqan qazaqstandyq stýdentter óz ortalarynda el mádenıetin, bilim áleýetin, tipti memleket bolashaǵyn tanytýda. Búgingi Memlekettik rámizder kúni biz osy jaýapkershiligimizdi sezinip, merekeli kóńilimizdi osylaı jınalyp bildirdik» - dedi «Jas tulpar» Reseıdegi qazaqstandyq stýdentterdiń birlestiginiń basshysy Muhtar Baımaǵulov.

«Memlekettik rámizder ár azamattyń júreginde erekshe oryn alady. Sebebi memleket degenimiz - ol tek aýmaq, Qarýly kúshter jáne shekara ǵana emes, onyń negizgi quramy biz - el azamattary. Búgingi qolymyzdaǵy baılyǵymyz en aldymen memlekettigimiz bar bolýynyń arqasynda. Osy memlekettigimizdi odan ári nyǵaıtýǵa tyrysýymyz qajet», - dedi MMÝ magıstranty Bolat Kerimbek.

Іs-sharany uıymdastyrýǵa «Bolashaq» halyqaralyq baǵdarlamalar ortalyǵy jáne «Jas tulpar» Reseıdegi qazaqstandyq stýdentterdiń birlestigi qoldaý Reseıdegi Qazaqstan Elshiliginiń bastamasymen kórsetti.