Máskeýde II Evrazııalyq ekonomıkalyq forým bastaldy

ASTANA. QazAqparat – Máskeýde ІІ Eýrazııalyq ekonomıkalyq forým jumysyn bastady. Іs-sharaǵa álemniń 50-den astam eliniń ókilderi qatysýda, dep habarlaıdy QazAqparat tilshisi.

Forým maqsaty – eýrazııalyq keńestiktegi kooperatsııalyq baılanystardy jetildirý. Іskerlik is-sharanyń negizgi taqyryby bıznes tarapynyń Eýrazııalyq ekonomıkalyq odaqtaǵy ıntegratsııalyq protsesterge qatysty eń ózekti ári suranysqa ıe máseleleri bolmaq. Bıyl EEF «Kóppolıarly álemdegi eýrazııalyq ıntegratsııa» uranymen ótedi.

EEF-tiń iskerlik baǵdarlamasy 35 sesııany qamtıdy. Olar «Adamı kapıtal», «Tehnologııa jáne kooperatsııa», «Qubylmaly álemdegi EAEO», «Eýrazııalyq túıindestik», sonymen qatar «EAEO-nyń ishki naryǵy: kedendik yntymaqtastyq, básekelestik jáne memlekettik satyp alý» syndy 7 taqyryptyq baǵytqa bólingen. «Strategııalyq blok» aıasynda EAEO—nyń 2030+ strategııasy talqyǵa túsedi.

EEF-tiń basty oqıǵasy Memleket basshylarynyń qatysýymen ótetin jalpy otyrys bolmaq.

Forýmǵa bılik organdarynyń, bıznes qoǵamdastyqtardyń halyqaralyq uıymdar men BAQ-tyń 2 700-den astam ókili qatysady dep kútiledi. Munan bólek, forým is-sharalaryna eýrazııalyq «bestik» óilderinen bólek QHR, OAR, Ózbekstan, Nıkaragýa, Venesýela, Indonezııadan spıkerler qatysady.

Forým 25 mamyr kúni EAEO-ǵa múshe memleketter kóshbasshylarynyń qatysýymen ótetin Joǵary eýrazııalyq ekonomıkalyq keńes otyrysyna oraılastyrylan.

Osy jolǵy forým operatory – Roskongress qory. EEF-tiń negizgi is-sharalary 24-25 mamyr kúnderi «Olımp Holl» kongress-kórme ortalyǵynda, al jalpy otyrys «Zarıade» kontsert zaly aýmaǵynda ótedi.