Máskeýde batyr panfılovshylardyń erligine arnalǵan eske alý sharasy ótti (FOTO)
Sharaǵa Reseı ardagerler komıtetiniń ókilderi, ǵylymı orta, murajaı qyzmetkerleri, Volokolamsk áskerı dańq qalasy izdestirý jasaǵynyń ókilderi, RF-daǵy QR Áskerı attashesi, sondaı-aq BAQ ókilderi qatysty. Eske alý sharasynyń negizgi qonaqtary UOS ardargerleri - aty ańyzǵa aınalǵan Panfılovshylar dıvızııasynyń qatardaǵy jaýyngerleri, sondaı-aq aty ańyzǵa aınalǵan I.V. Panfılovtyń nemeresi - Elena Panfılova qatysty. Shara basynda RJO Joǵarǵy shyǵarmashylyq keńesiniń múshesi, Reseı ádebı syılyq laýreaty Valentın Osıpov atap ótkendeı, panfılovshylardyń erligi men Máskeý qorǵanysyna qosqan baǵa jetpes úlesi jáne jalpy alǵanda, Jeńisi bizdiń jadymyzda máńgige saqtalady.
Ári, aty ańyzǵa aınalǵan erliktiń derbes quqyqtylyǵyn saqtaý, ony burmalaý áreketiniń jolyn kesý maqsatynda, onyń áskerleri men olardyń urpaqtaryna qurmet retinde V. Osıpov búginde kózi tiri panfılovshylarǵa, onyń nemereleri men shóberelerine jazbasha alǵys bildirý týraly usynys bildirdi.
«Batyr panfılovshylardyń búginde kózi tirileriniń, nemereleri, shóbereleriniń tizimin jasap, Jeńistiń 75-jyldyq mereıtoıynda olarǵa biz olardyń atalary men babalaryn máńgi jadymyzda saqtaıtynymyz týraly alǵys hat joldaýymyz qajet», - dep usyndy ol.
Panfılovshy ardagerler Vladımır Býrtsev ı Vladımır Lıtvakov Panfılovshylar dıvızııasy qataryndaǵy óz qyzmetteri jaıly estelikter aıtty.
Ardagerler panfılovshylardyń erlikterine qurmetpen qarap, jaýyngerlik joldastarymen kezdesýge yqpal etken shara uıymdastyrýshylaryna alǵys sezimderin bildirdi. Óz kezeginde, Elena Panfılova da alǵysyn aıtty.
Shara barysynda panfılovshylar men UOS-tyń basqa da batyrlarynyń erligin burmalaý áreketterine baılanysty jaǵdaılar talqylandy.
Eske sala keteıik, 316-shy atqyshtar dıvızııasy Almaty qalasynda 1941 jyldyń shilde-tamyzynda qurylǵan bolatyn. Dıvızııa jeke qurylymy Almaty qalasynyń, Almaty oblysynyń, Qazaqstannyń basqa da aımaqtarynyń jáne qyrǵyz eliniń áskerı mindetti turǵyndarynan jasaqtaldy. 1941 jyldyń qazan-qarashasynda Máskeýdi qorǵaýda kórsetken teńdessiz erligi pen batyldyǵy úshin dıvızııaǵa 8-gvardııalyq atqyshtar dıvızııasy aty berildi, al keıinirekte dıvızııaǵa 1941 jyldyń 18 qarashasynda Máskeý oblysynyń Volokolamsk qalasynyń mańynda qaza tapqan, dıvızııanyń tuńǵysh komandıri Ivan Vasılevıch Panfılovtyń aty berildi. Panfılovshy jaýyngerler Pskov oblysyn, Latvııany, Lıtvany nemis-fashıst basqynshylarynan qorǵaýǵa qatysty. Panfılov dıvızııasy Lenın ordenimen, Qyzyl tý ordenimen, ekinshi dárejeli Sývorov ordenimen, marapattaldy.
Almatyda 28 jaýynger-panfılovshylar atyndaǵy saıabaq bar. Sondaı-aq Memleket basshysy Nursultan Nazarbaevtyń qatysýymen Astanadaǵy Qoshqarbaev pen Jumabaev kósheleriniń qıylysynda ornalasqan "Jeruıyq" saıabaǵynda general I.V. Panfılovtyń eskertkishi ashyldy.