Máskeýde 65 jastan asqandar men sozylmaly aýrýy bar adamdardy oqshaýlaý rejımi alyndy

NUR-SULTAN. QazAqparat - Vedomstvoaralyq komıssııanyń baspasóz qyzmeti koronavırýs pandemııasyna qatysty álemdegi ahýalǵa, karantın shekteýlerin jeńildetý derekterine sholý jasady, dep habarlaıdy QazAqparat.

Máskeýde 65 jastan asqan qart adamdar men sozylmaly aýrýlary bar adamdar úshin mindetti oqshaýlaý rejımi alynyp tastalady. 8 naýryzdan bastap bul shara usynymdyq sıpatqa ıe. Reseı astanasyndaǵy barlar men meıramhanalar túnde jumys isteı alady, al teatrlar men kınoteatrlar zaldardy jartysyna toltyra alady. Sonymen qatar, bılik áli de betperde men qolǵap kııýdi, sondaı-aq áleýmettik araqashyqtyqty saqtaýdy suraıdy.
AQSh-ta 90 mıllıonnan astam adam koronavırýsqa qarsy vaktsınanyń kem degende bir dozasyn aldy. Bul týraly aýrýlardy baqylaý jáne aldyn alý ortalyqtary habarlady. Bul rette eki doza 30,7 mln-nan astam adamǵa engizildi. Jalpy, Amerıka Qurama Shtattarynda osy kezeńde halyqty vaktsınatsııalaýǵa arnalǵan preparattardyń shamamen 116,4 mıllıon dozasy bar.
Rýmynııanyń Býharesttegi meıramhanalar men teatrlardyń qyzmetine qaıtadan tyıym salyndy. El bıligi 8 naýryzdan bastap gastronomııalyq qyzmetter tek qonaq úılerdiń qonaqtaryna usynýlaryna ruqsat etildi, al qalǵandary tamaqtanýǵa tapsyrys berýge májbúr bolady. Teatrlar, kınoteatrlar men oıyn zaldary jabylýda. Mektepterde sabaqqa qatysý tek bastaýysh jáne joǵary synyp oqýshylary úshin mindetti boldy. Bir apta ishinde elde kúnine tirkelgen jańa ınfektsııalar sany eki ese ósken.
Belarýs Densaýlyq saqtaý mınıstriniń orynbasary Dmıtrıı Cherednıchenko Belarýssııada 30-31 naýryzdan bastap reseılik «Spýtnık V» vaktsınasyn ónerkásiptik óndirýdiń bastalatynyn habarlady. Onyń aıtýynsha, qazirgi ýaqytta Belarýssııada shyǵarylǵan vaktsınanyń synaq partııasy Reseıdegi Gamaleıa ınstıtýtynda turaqtylyq pen tıimdilikke tekserýden ótýde. Belarýssııada aıyna 500 myń doza vaktsına shyǵarylady dep kútilýde.
Chehııada epıdemıologııalyq jaǵdaı shıelenise túsýde. 7 naýryzda eldiń Densaýlyq saqtaý mınıstrligi indettiń kúndelikti ósýi 9 066 quraǵanyn habarlady. Bul bir apta burynǵyǵa qaraǵanda 4483 jaǵdaıǵa kóp. Jalpy, pandemııa bastalǵannan beri 1,32 mıllıon adamnan koronavırýstyq ınfektsııa anyqtalǵan. Bul Chehııa halqynyń shamamen 10 paıyzyna sáıkes keledi.