Máskeý ortalyǵynda Lamborghini janyp ketti

MÁSKEÝ. QazAqparat – Reseı astanasynyń ortalyǵynda Lamborghini sport kóligi janyp ketti, dep habarlaıdy QazAqparat Vesti.ru saıtyna silteme jasap.

Qozǵalys kezinde lıýks klasty kóliktiń motor bóliginen ot shyqqan. Júrgizýshi ne bolyp jatqanyn birden túsinbeı qalǵan. Kólik ıesi mashnadan shyǵyp, órtti óz kúshimen sóndirmek bolǵan.

Oqıǵa ornyna qutqarýshylar jetkende kólik túgeldeı janyp jatty. Órtengen aýmaq 5 sharshy metrdi qurady, dep habarlady Reseı Tótenshe jaǵdaılar mınıstrligi astanalyq ókildiginiń baspasóz qyzmeti.

Elıtaly kóliktiń janyp jatqan sátiniń vıdeosy áleýmettik jelide jarııalandy. Onda kóliktiń aldyńǵy jaǵy men aldyńǵy dóńgelekteri ǵana qalǵany kórinip tur, Lamborghini Aventador kóliginiń baǵasy 200 myń AQSh dollarynan asady. Kólik 2018 jyly shyqqan. Jańa ıesi ony jaqynda ǵana, naqtyraq aıtqanda 15 shilde kúni alǵan.

Sýret - Vesti.ru