«Máskeý bırjasyna» salynǵan sanktsııa Qazaqstannyń ınvestıtsııalyq klımatyna qalaı áser etedi – SІM jaýaby

<p>ASTANA. KAZINFORM &ndash;&nbsp; Syrtqy ister mınıstrliginiń resmı ókili Aıbek Smadııarov vedomstvonyń baspasóz&nbsp; máslıhatynda&nbsp; &laquo;Máskeý bırjasyna&raquo; salynǵan sanktsııanyń Qazaqstanǵa áseri týraly pikir bildirdi.</p>

«Ótken aptada «Máskeý bırjasy» eýromen, dollarmen saýda-sattyq jasaýdy toqtatatyny belgili boldy. Qazir Reseı resmı túrde ıýanmen saýda-sattyq jasaýǵa kóship jatyr. Bul Qazaqstannyń ınvestıtsııalyq klımatyna qalaı kórinis beredi? Bul bizdegi saýda tizbekteriniń úzilýine ákelmeı me?» - dep surady jýrnalıst.

Aıbek Smadııarov «Máskeý bırjasyna» salynǵan sanktsııanyń Qazaqstanǵa tartylyp jatqan ınvestıtsııalarǵa áseri joq ekenin aıtty.

«Ázirshe bul eshqandaı kórinis berip jatqan joq. Bizdiń óz bırjamyz bar. Bárimen emin-erkin saýda jasap otyrmyz. Qazaqstanǵa sanktsııa tıgen joq. Investıtsııalar reseılik bırjadaǵy jaǵdaıǵa táýeldi emes», - dedi SІM resmı ókili.

Eske salsaq, ótken aptada AQSh Qarjy mınıstrliginiń sheteldik aktıvterdi baqylaý jónindegi basqarmasy (OFAC) «Moskovskaıa bırja» jarııa aktsıonerlik qoǵamyna (MOEX) sanktsııa salǵanyn jarııalaǵan bolatyn.