Maska taqpaǵan Brazılııa prezıdenti aıyppul tóledi

NUR-SULTAN. QazAqparat – Brazılııa prezıdenti Jaır Bolsonarý qoǵamdyq sharaǵa maska taqpaı shyqqan. Pandemııaǵa baılanysty engizilgen sanıtarlyq talaptardy buzǵany úshin prezıdentke aıyppul salyndy, dep habarlaıdy QazAqparat Euronews-ke silteme jasap.

Senbi kúni Bolsoraný San-Paýlý kóshelerinde óz jaqtastary qatysqan motojarysty basqardy. Ol óz mototsıklinen, sodan keıin júk kóliginen jınalǵan kópshilikpen amandasty.

Prezıdent konservatory jaqtastarynyń bastarynda shlem boldy, biraq kópshiligi maska taqpaǵan, olar vaktsınalanǵan adamdar úshin maskalar paıdasyz dep urandatty. Munymen densaýlyq saqtaý salasyndaǵy sarapshylardyń kópshiligi kelispeıdi.

Jergilikti bıliktiń habarlaýynsha, Bolsonarýdy qoldaý aktsııasyna 12 000 mototsıkl qatysty. San-Paýlý shtaty úkimetiniń baspasóz qyzmeti 2020 jyldyń mamyr aıynan bastap qoǵamdyq oryndarda maskalardy taǵýdy talap etetin erejelerdi buzǵany úshin Prezıdentke 110 AQSh dollar mólsherinde aıyppul salynǵanyn habarlady.

Buǵan deıin Bolsonarýǵa Maranıao shtatynyń soltústik-shyǵysyndaǵy jaqtastarymen mamyr mıtıngisi kezinde maska taqpaǵany úshin aıyppul salynǵan bolatyn. Osy shtat pen San-Paýlý gýbernatorlary koronavırýstyń taralýyn boldyrmaýǵa arnalǵan shekteý sharalary týraly máselede Bolsonarýǵa qarsy.