Maska taǵý vırýsty juqtyrý qaýpin 90%-ke deıin tómendetedi - sarapshy
«Qoǵamdyq oryndarda, adamdar kóp ótetin kóshelerde, sonyń ishinde qoǵamdyq kólikte betperde taǵý vırýstyń aýamen taralýyna jol bermeıdi. Ózderińiz biletindeı, adamdar koronavırýs ınfektsııasymen sımptomsyz aýyrýy múmkin jáne bul týraly bilmesten, qoǵamdyq oryndarda maskalardy qoldanbaı júrgen jaǵdaıda basqalarǵa juqtyrý qaýpin týdyrady. Árıne, tyǵyz baılanysta nemese bir bólmede uzaq ýaqyt bolǵan kezde maskalar vırýstardan kepildendirilgen qorǵaýdy qamtamasyz etpeıdi, biraq bul yqtımaldyǵyn aıtarlyqtaı tómendetedi. Al barlyq adamdardyń maskalardy qoldanýy vırýsty juqtyrý qaýpin 90% -ke deıin tómendetedi»,-dedi Almaty qalasy taýarlar men qyzmetterdiń sapasy men qaýipsizdigin baqylaý departamenti basshysynyń orynbasary, dáriger-epıdemıolog Ásel Qalyqova.
Buǵan deıin Almaty qalasynyń óńirlik kommýnıkatsııalar qyzmetiniń alańynda ótken onlaın-suhbat barysynda Qazaqstannyń Profılaktıkalyq medıtsına akademııasynyń prezıdenti Almaz Sharman maska taǵý pandemııanyń ekinshi tolqynynyń qýatyn aıtarlyqtaı tómendetýi múmkin ekenin atap ótken bolatyn. Sondaı-aq, ol COVID-19-ben aýyrǵan adamdarǵa aýrýdyń sımptomdyq, sımptomsyz aǵymyna qaramastan, betperde kııýdi jáne qashyqtyqty saqtaýdy usyndy.
«Eger siz aýyryp júrmeseńiz de, vırýs murynǵa nemese aýyzǵa túsip, baılanys arqyly odan ári taralýy múmkin. Saqtyq sharalaryn saqtaı otyryp, siz ózińizdi ǵana emes, jaqyndaryńyz ben aınalańyzdaǵy adamdardy da qorǵaısyz. Bul jerde basqalardyń qaýipsizdigi týraly da sóz bolyp otyr. Sondyqtan men barlyǵyn saqtyq sharalaryn saqtaýdy jalǵastyrýǵa shaqyramyn», - dedi A.Sharman.
Sonymen qatar, sarapshylar maskalardy durys kııý kerek ekenin aıtady. Aýyzdy ǵana emes, muryndy da jabý kerek, óıtkeni aýada qozǵalatyn vırýstyń muryn men kózdiń shyryshty qabattaryna enýi yqtımaldyǵy joǵary.