Mask pen Tsýkerberg terrorlyq kontentti óshirip otyrady

<p>Eýropalyq odaq tehnologııa alyptaryn lańkestik kontentke qarsy shara qabyldaýǵa shaqyrdy. Olaı bolmaǵan jaǵdaıda kúrdeli zań sanktsııalary salynýy múmkin. Bul másele HAMAS Izraılge shabýyl jasaǵannan keıin kóterilip otyr, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a>.</p>

Málimetke súıensek, mundaı talap qaqtyǵysqa qatysty feık jańalyq pen vıdeolar kóptep tarap ketkennen keıin engizilgen.

Eýroodaq eskertýi iri tehnologııa kompanııalarynyń basshylaryna, onyń ishinde Ilon Mask pen Mark Tsýkerbergke baǵyttaldy. Olar endi eýropalyq zańnamanyń oryndalýyn qatań baqylaýy kerek.

Bbc-diń jazýynsha, Mask pen Tsýkerbergke jazǵan hatynda Іshki naryq máseleleri boıynsha Eýroodaq komıssary Terrı Breton olarǵa óz platformalaryndaǵy zııan kontentti buǵattap, ol týraly Eýroodaqqa habar berýge 24 saǵaty bar ekenin málim etti.

Bul erejeler oryndalmasa kompanııanyń jyldyq tabysynyń alty protsentine deıingi mólsherde aıyppul salynýy múmkin.

EO naqty qandaı kontentti jalǵan aqparat dep sanaıtynyn naqtylamady.

Sol aralyqta, Ilon Maskqa tıesili H áleýmettik jelisi (burynǵy Twitter) HAMAS-pen baılanysty júzdegen paraqsha óshirilgenin habarlady. Sonymen qatar myńdaǵan post joıylǵan. Bul týraly EO Іshki naryq boıynsha eýrokomıssary Terrı Bretonǵa joldaǵan hatynda jazylǵan, dep málim etti VVS.