MÁSQ koronavırýs pen pnevmonııaǵa shaldyqqan naýqastardy emdeýge 8,6 mlrd teńge jumsady
Áleýmettik medıtsınalyq saqtandyrý qory koronavırýs pen pnevmonııaǵa shaldyqqan naýqastardy emdeý úshin naýryz-maýsym aralyǵynda elimizdiń statsıonarlaryna 842 myń tósek-kúnge 8,6 mlrd teńge tóledi.
Aıta ketý kerek, naýryz aıymen salystyrǵanda maýsymda tósek-kúnniń jalpy sany - 8 esege, juqpaly aýrýlarǵa – 26 esege artty. Osy kezeńde karantın statsıonarlaryna 327 myń tósek-kún, juqpaly aýrýlar úshin 270 myń tósek-kúnge qarjy tólendi.
Maýsym aıynda naýryz aıymen salystyrǵanda provızııalyq statsıonarlarda tósek-kún sany aıtarlyqtaı ósti: naýryz aıynda 21 myńnan maýsym aıynda 100 myń tósek-kúnge deıin.
Tósek-kúnge patsıenttiń statsıonarda orny, aýrýdyń dıagnostıkasy men emi kiredi.
Qazir densaýlyq saqtaý júıesinde tósek qoryn ulǵaıtý qajet. Qazaqstandyqtarǵa medıtsınalyq kómek kórsetý sapasyn jaqsartý úshin Qor shilde aıynda medıtsınalyq uıymdarǵa tarıfti kóterdi .
Endi qor provızorlyq statsıonarǵa 1 tósek-kún úshin 21,9 myńnan astam teńge tóleıdi; táýlik boıy statsıonarǵa – 32,2 myńnan astam teńge; naýqasty anestezıologııa, reanımatsııa jáne qarqyndy terapııa bólimshesinde emdeý úshin – 1 tósek-kún úshin 70 myń teńgege jýyq qarajat bóledi.
Medıtsınalyq saqtandyrý qorynda atalǵan qyzmetterge tarıftiń artýy qor jetkizýshileriniń sanyn kóbeıtýge, koronavırýs pen pnevmonııaǵa shaldyqqan naýqastardy emdeýge jeke aýrýhanalardy belsendi tartýǵa jáne statsıonarlardaǵy medıtsınalyq kómektiń sapasyn yntalandyrýǵa múmkindik beredi.
Áleýmettik medıtsınalyq saqtandyrý qory 304 ınfektsııalyq/provızorlyq statsıonarmen oryndaý/birlesip oryndaý sharttaryn jasasty.Osy jyldyń 30 maýsymynan tósek sany 28 796-dan 47 455-ke deıin artty, 18 659 tósek (64,7%) qosyldy. Tósek qorynyń 70% bos emes. Covid 19 emdeýge tartylǵan statsıonarlardaǵy oryndarǵa kún saıyn monıtorıng júrgiziledi. Bul kórsetkish jergilikti atqarýshy organdardyń jumysynyń ındıkatory bolyp tabylady. Óńirdegi kereýet qorynyń 70 paıyzy bos emes, rezervten qosymsha kereýet ashý boıynsha sharalar qabyldanýda.
Sonymen qatar, №10 klınıkalyq hattamaǵa, 2020 jylǵy 4 shildedegi №104 basylymǵa sáıkes, aýrýdyń asımptomatıkalyq jáne jeńil túri bar naýqastardy turǵylyqty jeri boıynsha aýmaqtyq emhanalardyń ýchaskelik dárigerleri baqylaıdy.
Statsıonarlyq emge Covid-19 shaldyqqan ortasha aýyr jáne aýyr jaǵdaıdaǵy patsıentter ǵana jatqyzylady.
Sondaı-aq, ambýlatorııalyq deńgeıde medıtsınalyq kómekke qol jetkizý maqsatynda emhanalar janynda mobıldi brıgadalar quryldy, olar úıde medıtsınalyq qyzmetter keshenin kórsetedi ( dárigerdi qaraý, em taǵaıyndaý, retsept jazý, manıpýlıatsııalar júrgizý jáne t.b.). Sondaı-aq, úıde statsıonarlyq qyzmet uıymdastyrý da qarastyrylǵan.