Mask: Eger Tramp jeńilse, bul AQSh-taǵy sońǵy saılaý bolady

<p>ASTANA. KAZINFORM &ndash; Qarasha aıynda ótetin AQSh prezıdenttik saılaýda respýblıkashyl kandıdat Donald Tramp jeńilip qalsa, bul AQSh úshin sońǵy saılaý bolýy múmkin. Mundaı pikirdi Ilon Mask bildirdi, dep habarlaıdy <a href="https://tass.ru/" target="_blank" rel="noopener">TASS </a>aqparat agenttigi.&nbsp;</p>

«Eger Tramp saılanbasa, bul sońǵy saılaý bolatynyn amerıkalyqtardyń óte az bóligi ǵana túsinip otyr. Ol demokratııaǵa qaýip tóndirmeıdi, kerisinshe, ony qutqara alatyn jalǵyz adam», - dep jazdy Mask X áleýmettik jelisinde. 

Masktyń pikirinshe, eger Demokratııalyq partııanyń kandıdaty Kamala Harrıs prezıdenttik saılaýda jeńiske jetse, zańsyz ımmıgranttar elge kelýin jalǵastyryp, birte-birte kelesi saılaýda azamattyq pen daýys berý quqyǵyna ıe bolady. Osylaısha, kásipker mıgranttardyń daýysyna ıe bolǵan Demokratııalyq partııa tórt jyldan keıin básekelestikten shyǵyp, AQSh-taǵy jalǵyz saılaý demokrattar praımerızi bolady dep esepteıdi. 

Mıgratsııalyq daǵdarys AQSh-taǵy qazirgi saılaý naýqanynyń basty taqyryptarynyń birine aınaldy. Kezekti prezıdent saılaýy 5 qarashada ótedi. Respýblıkashyldar demokrattardy zańsyz ımmıgratsııamen baılanysty problemalar kúrt nasharlady dep aıyptap otyr. 

Kazinform úshin arnaıy TASS seriktes agenttigi usynǵan.