Másimovtiń jaqyndarynan 5,1 mln AQSh dollary alyndy - UQK

NUR-SULTAN. QazAqparat - Másimovtiń jaqyn baılanystarynan 5,1 mln. AQSh dollary alynyp, oǵan tyıym salyndy, dep habarlaıdy QazAqparat.

UQK taratqan aqparatqa qaraǵanda, bir mezgilde Másimov pen onyń aınalasyndaǵylar shetel bankterine zańsyz shyǵarǵan asa iri mólsherdegi aqshalaı qarajatty izdestirý, buǵattaý jáne Qazaqstanǵa qaıtarý boıynsha jumys uıymdastyryldy.

Barlyq kórsetilgen faktiler boıynsha qarqyndy jedel jedel-tergeý is-sharalary júrgizilýde.

Esterińizge sala keteıik, Ulttyq qaýipsizdik komıtetiniń burynǵy tóraǵasy Kárim Másimovke qatysty osy jyldyń 6 qańtarynda UQK Qazaqstan Respýblıkasy Qylmystyq kodeksiniń 175-baby 1-bóligimen memleketke satqyndyq faktisi boıynsha sotqa deıingi tergeý bastaldy.