Masań kúıde ustalǵan ımam 7 jylǵa kólik júrgizý quqyǵynan aıryldy

<p>ASTANA. KAZINFORM &ndash; Qostanaı oblysynyń bas ımamy Bahytbek Tájimbetti tártip saqshylary Býrabaıdaǵy &laquo;Regıon&raquo; túngi klýbynyń janynda &laquo;Haılandr&raquo; kóligimen ketip bara jatqanda qolǵa túsirgen. Aqmola oblysynyń soty ımamnyń áreketine qatysty sheshim shyǵardy.</p>

«Sot qaýlysymen Tájimbet Bahytbek Nurǵabyluly QR ÁQBtK-niń 608- babynyń 1 -bóligimen kináli dep tanyldy. Oǵan osy bap boıynsha 15 táýlikke qamaýǵa alý jáne 7 jylǵa kólik quralyn basqarý quqyǵynan aıyrý jazasy taǵaıyndaldy», - delingen oblystyq sottyń baspasóz qyzmeti taratqan aqparatta. 

Sondaı-aq, óńir soty ımam jazasyn Býrabaı aýdanynda ótep jatqanyn habarlady. 

Eske salsaq, 25 shildede Býrabaıda masań kúıde kólik júrgizgen Qostanaıdyń bas ımamy ustalǵanyn jazǵan bolatynbyz. Polıtsııa óńirdiń bas ımamyna qatysty ákimshilik hattama toltyrǵan. 

Sol kúni Qazaqstan musylmandary dinı basqarmasy mas kúıinde ustalǵan Qostanaı ımamyn jumystan shyǵarǵanyn habarlap, elden keshirim surady. 

Aıta keteıik, 30 shildede Bektursyn Ýalıev Qostanaı oblysynyń bas ımamy bolyp taǵaıyndaldy.