Mas kúıinde kólik aıdaǵan almatylyqtar jazaǵa tartylýda
Almatyda túngi reıd sharalary bastaldy. Shuǵyl-profılaktıkalyq sharalar barysynda araq, esirtki jáne túrli toksıkologııalyq zattar paıdalanyp, kólik aıdaǵan júrgizýshiler ustalyp jatyr.
«Túngi kezekshilik kezinde Túrksib aýdanynda Nissan kóligin tizgindegen júrgizýshi toqtatyldy. 44 jastaǵy er adam mas bolǵan. Medıtsınalyq tekserý kezinde onyń esirtki paıdalanǵany da rastaldy. Ákimshilik hattama toltyryldy. Al Almaly aýdanynda mas kúıinde kólik aıdaǵan 22 jastaǵy jigit ustaldy. Medıtsınalyq tekserýden ótýden bas tartqany úshin ol ákimshilik jazaǵa (aıyppul) tartyldy. Medeý aýdanynda syra zaýytynda jumys jasaıtyn júrgizýshi orta deńgeıli dárejede mas kúıinde kólik tizgindegeni anyqtaldy. Almaty aýdanaralyq ákimshilik sotynyń qaýlysymen reıd kezinde ustalǵan júrgizýshilerdiń barlyǵy ákimshilik is boıynsha aıypty dep tanylyp, 7-8 jylǵa kólik aıdaý quqyǵynan aıryldy, sondaı-aq 15 táýlikke qamaldy»,- dedi Polıtsııa departamentiniń baspasóz qyzmetinen.