Mas kúıde rýlge otyrǵan Aqtóbe depýtaty sot otyrysyna taǵy kelmeı qaldy

<p><br style="padding: 0px; margin: 0px; font-size: 18px; font-family: sans-serif;" /><span style="font-family: sans-serif; font-size: 18px;">Aqtóbe sotynda qalalyq depýtat Sánııa Muratovaǵa qatysty Ákimshilik quqyqbuzýshylyq týraly kodekstiń 596-baby 3-bóligimen qozǵalǵan is qaraldy. Sheshim syrttaı shyǵarylyp, ol júrgizýshi kýáliginen 6 aıǵa aıyryldy, dep habarlaıdy&nbsp;</span><a style="padding: 0px; margin: 0px; font-size: 18px; font-family: sans-serif;" href="https://kaz.inform.kz/" target="_blank" rel="noopener">QazAqparat tilshisi.</a></p>

Jaýapker Sanııa Muratova sottyń bolatyn kúnin, ýaqytyn bile tura sot otyrysyna qatyspady. Degenmen, Aqtóbe qalasynyń ákimshilik quqyqbuzýshylyqtar jónindegi mamandandyrylǵan aýdanaralyq sotynda is qaralyp, sýdıa D.Hamıev syrttaı sheshim shyǵardy.

Qala máslıhatynyń depýtaty Sánııa Muratovaǵa qatysty Ákimshilik quqyqbuzýshylyq týraly kodekstiń «Kólik quralyn joldyń júrý bóliginde ornalastyrý, qarsy júrip ótý nemese basyp ozý qaǵıdalaryn buzý» (596-bap) jáne «Kólik quralyn mas kúıinde júrgizý» (608-bap) baptary boıynsha hattamalar toltyrylǵan bolatyn.

Búgingi sot otyrysynda depýtattyń 596-baptyń 3-bóliginde kórsetilgen quqyqbuzýshylyǵy qaraldy. Onda S.Muratovanyń jol erejesin buzǵanyn qujatqa túsirip, hattama toltyrǵan polıtsııa qyzmetkeri mán-jaıdy aıtyp berdi.

«Bıyl 5 qyrkúıek kúni saǵat 7:00 shamasynda azamatsha Muratova Sanııa Bulqaıyrqyzy Aqtóbe qalasyndaǵy Álııa Moldaǵulova men Sáńkibaı batyr dańǵyldarynyń qıylysynda Lexus kóligimen 6 jolaqty jol belgisi bar jolda qarsy baǵytqa shyǵyp ketti. Jáne «tutas eki syzyqty» basyp ótti. Sol jerde hattama toltyryldy. Hattamamen kelisip, kelispeıtinin suradyq. Ol tolyq kelisetinin aıtty jáne ózi qol qoıdy», –dedi Aqtóbe qalasy patrýldik polıtsııa batalonynyń ınspektory Nurjas Músirep.

Sot sheshimimen depýtat birneshe aı kólik rýline otyra almaıtyn boldy. 

«QR Ákimshilik quqyqbuzýshylyq týraly kodekstiń 596-baby 3-bóliginde kórsetilgen quqyqbuzýshylyq jasaǵany úshin oǵan 6 aı merzimge kólik júrgizý quqyǵynan aıyrý jazasy qoldanylady», – dedi sýdıa.

Eske salsaq, qala máslıhatynyń depýtaty Sánııa Muratova mas kúıde kólik júrgizgeni úshin ustalǵan bolatyn.

Keıin ol depýtattyq mandatynan óz erkimen bas tartty.

608-bapqa qatysty isti qaraý 21 qyrkúıek kúni ótken bolatyn. Alaıda, halyq qalaýlysy sol kúni de sot otyrysyna kelmeı qaldy. Sýdıa kelesi otyrysqa S.Muratovany kúshtep jetkizý týraly uıǵarym shyǵardy.