Marjyqbaev frantsııalyq týrısterdi V Dúnıejúzilik kóshpendiler oıyndaryna shaqyrdy

<p>ASTANA. KAZINFORM &ndash; Parıjdegi jazǵy Olımpıada jáne Paralımpıadaǵa daıyndyq jónindegi shtab qabyrǵasynda Frantsııanyń Qazaqstandaǵy Tótenshe jáne Ókiletti Elshisi Dıde Kanesspen kezdesken Týrızm jáne sport mınıstri Ermek Marjyqpaev frantsııalyq týrısterdi qýana qarsy alatynyn aıtty.&nbsp;</p>

Ermek Marjyqpaev eki el arasyndaǵy yntymaqtastyqtyń basym baǵyttarynyń biri týrızm ekenin atap ótti.

«Frantsııa – búkil álemdegi týrıster úshin eń tartymdy eldiń biri. Kóptegen mýzeı, ortaǵasyrlyq ǵımarat, tabıǵı landshafttyń tańǵajaıyp áralýandaǵy kez kelgen týrısti beı-jaı qaldyrmaıtyny sózsiz. Bizdiń elimiz de qolaıly geografııalyq jaǵdaıǵa ıe ekenin aıtqym keledi. Erekshe qorǵalatyn tabıǵı aımaqtar el aýmaǵynyń 10%-dan astam jerin alyp jatyr. Qazaqstanda zamanaýı týrıske qajet dúnıeniń bári bar dep senimmen aıta alamyn. Biz Frantsııadan kelgen týrısterdi qabyldaýǵa jáne elimizdiń biregeı tabıǵatyn kórsetýge daıynbyz», - dedi Ermek Marjyqpaev.

Frantsııa 2022 jyldan beri Olımpııa oıyndary qarsańynda Olımpıada qaǵıdattaryn nasıhattaý maqsatynda «álem boıynsha estafeta» sporttyq is-sharasyn ótkizip keledi. Mınıstrlik bul bastamany jyl saıyn qoldaıdy. Bul rette, bıyl naýryz aıyna josparlanǵan estafetany uıymdastyrýǵa kómektesýge daıyn. Mınıstr atalǵan is-shara aıasynda Parıjdegi Olımpıadaǵa bılet utysyn uıymdastyrýdy usyndy.

Sondaı-aq vedomstvo basshysy frantsııalyq delegatsııany jáne sportshylaryn V Dúnıejúzilik kóshpendiler oıyndaryna qatysýǵa shaqyrdy.

Frantsııa elshisi Dıde Kaness eki eldiń týrızm jáne sport salasyndaǵy yntymaqtastyǵyna qyzyǵýshylyq bildirip, Qazaqstan sportshylaryna Parıjdegi Olımpııa oıyndarynda tabysty óner kórsetýin tiledi.