«Marvel» jáne «Disney» kompanııalarynyń tanymal keıipkerleri qazaq tilinde sóıledi

NUR-SULTAN. QazAqparat - «Qazaqstan» ulttyq telearnasy «Qazaqstan» efırinde kassalyq mýltfılmderdiń basty fılmderi men kórkem fılmderiniń eń tanymal keıipkerleri qazaq tilinde sóıledi. Kásibı mamandar toby mýltfılmder men kórkem fılmderdi memlekettik tilge aýdaryp, dýblıaj jasaıdy. Bul týraly QazAqparat «Qazaqstan» ulttyq telearnasyna silteme jasap habarlaıdy.

«Qazaqstan» RTRK-nyń álemdegi balalar men oıyn-saýyq kontentin eń iri óndirýshilerinen jalǵa alý jáne aýdarý quqyǵyn satyp alýy alǵash ret oryn alyp otyrǵan joq. Búgingi tańda memlekettik tilde kelesi kórkem jáne anımatsııalyq fılmder kórsetilýge daıyn: «Chernaıa pantera» - «Qara Qabylan», «Mstıtelı: Voına beskonechnostı» - «Kek alýshylar: sheksizdik soǵysy», «Chelovek-mýraveı ı Osa» - «Qumyrsqa adam jáne Sona», «V poıskah Dorı» - « Dorıdı Izdeýde», «Sýpersemeıka 2» - «Sýperotbasy 2», «Knıga djýngleı» - «Djýnglı kitaby», «Tachkı 3» - «Kólikter-3», «Bolshoı ı dobryı velıkan» - «Meıirimdi dııý», «Planeta sokrovış» - «Qazynaly ǵalamshar», «Lıs ı pes» - «Talkı men ıt», «Bolshoe pýteshestvıe» - «Ǵajaıyp saıahat», «Spasatelı v Avstralıı» - «Erjúrek qutqarýshylar», «Krasavıtsa ı chýdovışe» - «Sulý men Quıýyjyq», «Bembı», «Zolýshka» - «Kúlshegiz», «Spıaşaıa krasavıtsa» - «Uıqydaǵy arý», «Knıga djýngleı» -«Djýnglı kitaby», «Ledı ı Brodıaga» - «Bıkesh pen Qańǵybas».

Álemdik deńgeıdegi fılmder men mýltfılmderdi qazaq tiline aýdarý jáne kórsetý – «Qazaqstan» respýblıkalyq teleradıokorporatsııasynyń turaqty jumys baǵyttarynyń biri. «Qazaqstan» RTRK» AQ baspasóz qyzmeti atap ótkendeı, basty maqsat – qazaqstandyqtarǵa álemdik premeralar men kóp kiristi fılmderdi ana tilinde kórýge múmkindik berý. Korporatsııa eń tanymal «Marvel» jáne «Disney» ónimderin satyp alady. «Qazaqstan» teleradıokorporatsııasy álemdik blokbasterlerdi qazaq tiline aýdarý boıynsha jumysty jalǵastyrady. Dısneımen jańa kórkem jáne anımatsııalyq fılmderdi jalǵa alý jáne aýdarý quqyǵyn satyp alý boıynsha kelissózder jalǵasýda. Sonymen qatar, jyl basynan beri Qazaqstan korporatsııasy BBC-diń úzdik derekti fılmderin qazaq tiline aýdara bastady. BBC-diń baǵdarlamalyq mazmuny qazaq tilinde «Qazaqstan» jáne «Abai TV» telearnalarynyń baǵdarlamalar kestesine engizilgen.

2012 jyldan bastap «Qazaqstan» ulttyq arnasy Dısneıdiń altyn jáne platına kollektsııasynan 50-ge jýyq fılmderdi aýdardy. Bul TMD telearnalary arasyndaǵy eń joǵary kórsetkish.