Martırosıan Golovkınniń joıqyn soqqylary jaıynda pikir bildirdi

ASTANA. QazAqparat - Amerıkalyq kásipqoı boksshy Vanes Martırosıan qarsylasy Gennadıı Golovkınmen bolǵan jekpe-jekten keıingi jeńilisine qatysty pikir bildirdi, dep habarlaıdy QazAqparat.

«Genadıı Golovkınge úlken syı-qurmetimdi bildirgim keledi. Ol soqqysy joıqyn boksshy. Bul turǵyda úzdik qarsylaspen rıngke shyqqanym men úshin zor mártebe. Osy jekpe-jekti tolyq áleýetimmen, kúsh-jigerimmen ótkizgim kelgen edi», - dep jazdy Martırosıan Instagramda.

Sonymen qatar ol 3 apta qalǵanda osy kezdesýge qatysýǵa sheshim jasaǵanyna esh ókinbeıtinin atap ótti.

«Bul rette aqtalýdyń jóni joq. Sondyqtan da jasaǵan qoldaýlary úshin ózimniń komandama, jankúıerlerime alǵysymdy aıtqym keledi», - dedi ol.

Esterińizge sala keteıik, qazaqstandyq kásipqoı boksshy Gennadıı Golovkın qarsylasy Vanes Martırosıandy aıqyn basymdyqpen jeńdi.

V. Martırosıan Golovkınge qarymta soqqylarmen jaýap berýge tyrysqan edi. Alaıda onyń bul tásilderi nátıje bermedi. Ekinshi raýndta qazaqstandyq boksshy joıqyn soqqylarymen Vanesti sulatyp túsirdi.



Foto: www.insidehboboxing.com/