«Mártebesi joq, úıi joq, jornalshy qaıtyp kún kórer?..» - respýblıkalyq basylymdarǵa sholý
***
«Keshe Aqordada Qazaqstan Respýblıkasynyń Prezıdenti Nursultan Nazarbaev elimizge resmı saparmen kelgen Malaızııa Premer-mınıstri Nadjıb Týn Abdal Razakpen kezdesti», - dep jazady «Egemen Qazaqstan» gazeti búgin sanyndaǵy «Múddestik muraty» degen taqyryppen jarııalanǵan maqalada. Kelissózder barysynda eki el arasyndaǵy saıası, saýda jáne ekonomıkalyq yntymaqtastyqty damytý máseleleri talqylanǵpan.
***
«Alash aınasy» basylymynyń búgingi nómirinde «Depýtat Halmuradov mınıstr Qul-Muhammedtiń kókeıindegi syrdy ashyp qoıdy» degen taqyryppen maqala basty. Gazettiń jazýynsha, mınıstr Muhtar Qul-Muhammed keshe Úkimet saǵatynda aldaǵy onjyldyqtaǵy til saıasatynyń basty maqsaty týraly baıan etken. «Soǵan sáıkes, tilderdi damytýdyń aldaǵy onjyldyqtaǵy basty maqsaty - Qazaqstanda turatyn barlyq etnostar tilin saqtaı otyryp, ult birligin nyǵaıtýdyń maǵyzdy faktory retinde memlekettik tildiń keń aýqymdy qoldanylýyn qamtamasyz etetin úılesimdi til saıasatyn júzege asyrý», - delingen maqalada. Degenmen til saıasaty baǵdarlamasyna baılanysty depýtat Rozaqul Halmuradovtyń ózgeshe paıymy bar bolyp shyqqan. Bul týraly tolyǵyraq basylymnyń búgingi sanynan oqı alasyzdar.
***
«Ótken jeksenbi kúni Malaızııa Úkimetiniń basshysy Dato Srı Mohd Nadjıb Týn Abdýl Razak qazaq jerine taban tiredi. Al keshe Prezıdent N.Nazarbaev elimizge resmı saparmen kelgen mártebeli meımandy óz Aqordasynda qabyldady», - dep jazady «Aıqyn» basylymy búgingi sanynda shyqqan «Qazaqstan - «Halal ortalyǵy» bolmaq» degen taqyryppen berilgen maqalada. «Keshe Qazaqstan men Malaızııa munaı-gaz salasynda yntymaqtasýǵa ýaǵdalasty. Kelissózder kezinde Elbasy N.Nazarbaev osy eldiń Petronas kompanııasyn Qazaqstandaǵy munaı-gaz jobalaryna qatysý baǵytynda kelissózderdi qarqyndy bastaýǵa shaqyrǵan. Malaızııa Premer-mınıstri ózderiniń Qazaqstandy Ortalyq Azııadaǵy «halal ortalyǵy» retinde qarastyratyndyǵyn málimdedi. Sondyqtan Aqordadaǵy kelissózder barysynda da eki el arasyndaǵy aýyl sharýashylyǵy salasy boıynsha ózara is-qımyl máselesi talqyǵa salynǵan», - delingen maqalada.
Búgingi nómirinde «Aıqyn» basylymy til máselesin qozǵap otyr. «Mınıstr latyn qarpine kóshýdi qoldaıdy» atty maqalada Mádenıet mınıstri Muhtar Abrarulynyń ózi latyn qarpiniń jaqtaıtyndyǵyn jazady. «Onyń aıtýynsha, qazirgi kırıllıtsaǵa qurylǵan qazaq álipbıinde 41, orysshada - 33, arabshada - 28, al, latyn alfavıtinde bar-joǵy 25-26 árip qana bar. ıAǵnı, latynshada tez jazý múmkindigi mol. Mınıstrdiń pikirinshe, tehnıkalyq dáýirleý osyny talap etedi, ári uıaly telefondar men kompıýterlerdi latyn qarpinde paıdalaný - yńǵaıly», - delingen maqalada.
Sondaı-aq «Aıqyn» basylymy qazaq tilshileriniń muńy men túıitkilderi týraly ózekti maqala jarııalady. «Mártebesi joq, úıi joq, jornalshy qaıtyp kún kórer?..» dep atalatyn materıalda osy ýaqytqa deıin qolyna qalam ustaǵan aǵaıynnyń áleýmettik jaǵdaıy bılik pen ákim-qaralardyń nazarynan tys qalyp keletindigi aıtylady. «Halyqtyń muńyn resmı bılikke jetkizip júrgende, óziniń qajetin aıtýdy umytyp, «syrtqa júnin qampaıtyp» qana júretin halyq bul. «Tórtinshi bılik» degen - tek aty, áıtpese, resmı úsheýiniń zańdy áleýmettik mártebesi belgilengende, bular taǵy da kóleńkede qap qoıǵan», - delingen maqalada. Basylymnyń aıtýynsha, búgingi tańda tilshiler qaýymy turǵyn úıdiń zardabyn tartpas úshin memleket tarapynan birde-bir múmkindik qarastyrylmaǵan.
***
«Kazahstanskaıa pravda» gazetirnde jarııalanǵan«Strategıcheskım kýrsom partnerstva» dep atalatyn maqalada keshe Aqordada Prezıdent Nursultan Nazarbaev elimizge resmı saparmen kelgen Malaızııa Úkimetiniń basshysy Dato Srı Mohd Nadjıb Týn Abdýl Razakty qabyldaǵandyǵyn jazady. Basylymnyń jazýynsha, malaızııalyq mártebeli qonaqtyń sapary búgin Astanada bastalatyn Dúnıejúzilik ıslam ekonomıkalyq forýmyna arnalyp otyr. Degenmen, bul Qazaqstan men Malaızııa yntymaqtastyǵyn odan ári kúsheıte túsýge baǵyttalǵan kezdesý boldy. Kezdesý barysynda ınfraqurylymdyq damý, energetıka, munaıgaz jáne qurylys sektorlary, metallýrgııa, óńdeýshi sala, kommertsııalyq bilim berý salalary boıynsha yqpaldastyqtyń tereńdetý jóninde birqatar mańyzdy qujattarǵa qol qoıylǵan.