Marokkodaǵy joıqyn jer silkinisinen qaza tapqandar sany 2 myńnan asty

MARRAKESh. QazAqparat – Marokko Іshki ister mınıstrliginiń keıingi deregi boıynsha, zilzaladan qaza tapqandar sany 2012 adamǵa jetti. 2059 turǵyn jaralandy, onyń 1404-niń jaǵdaıy óte aýyr, dep habarlaıdy QazAqparat VVS-ge silteme jasap.

Marokkonyń ońtústiginde, Marrakeshten 70 shaqyrym jerde keshe keshke 6,8 baldyq zilzala boldy. 19 mınýttan keıin 4,9 baldyq ekinshisi qaıtalandy. Marokko arnalary CCTV kameralaryna túsip qalǵan, zilzala bolǵan sátterdi kórsetip jatyr. Meıramhanalardyń biriniń kamerasynan adamdardyń emin-erkin terrasada tamaqtanyp otyryp, kenet ornynan atyp turyp ǵımarattan alysqa qashyp jatqanyn kórýge bolady. Ǵımarattyń ishinen de bir top adam júgirip shyǵady. Adamdardyń aıaǵynyń astyna terrasa shatyrynyń bólikteri qulap jatyr.

Marokko geofızıka ortalyǵy Atlass taýlary aýdanynda 7,2 baldyq zilzala bolǵanyn habarlady. AQSh Geologııa qyzmeti jer silkiný magnıtýdasyn 6,8 ball dep baǵalap, aıtarlyqtaı tereńde – 18,5 shaqyrym jerde bolǵanyn aıtty. Zilzala bolǵan taýly aýdan Marrakeshten ońtústik-batysqa qaraı shamamen 70 shaqyrym jerde ornalasqan.

Jerasty dúmpýi jergilikti ýaqytpen 23:00-den keıin bastaldy. Ol jaǵalaýdaǵy Rabat, Kasablanka jáne Es-Sýveıra qalalarynda sezilgen. Reuters-tiń Marrakesh turǵyndaryna silteme jasap habarlaýynsha, ıÝNESKO Álemdik mura tizimine enetin eski qalada birneshe ǵımarat qıraǵan. Jergilikti telearna meshit munarasynyń qulaǵan sátin kórsetti, dep atap ótti agenttik.

Oqıǵa týraly resmı aqparat tek birneshe saǵat ótkennen keıin ǵana jarııalandy. Áýelde Reuters jergilikti sheneýnikke silteme jasap, ondaǵan adamnyń mert bolǵanyn jazdy. Onyń sózinshe, qaza tapqandardyń kóbi taýly aýdandarda turady.