Marokkodaǵy týrnırde qazaqstandyq 7 boksshy qyz fınalǵa shyqty

ASTANA. QazAqparat - Marokko elinde ótip jatqan «Golden Belt Series Marrakesh» halyqaralyq týrnırinde elimizdiń áıelder quramasynan 7 boksshy fınalǵa shyqty, dep habarlaıdy QazAqparat tilshisi.

Bul jóninde Qazaqstan boks federatsııasy málim etti.

Halyqaralyq týrnırge elimizdiń atynan belgili bylǵary qolǵap sheberleri barǵan edi. Olardyń qatarynda Alýa Balqybekova, Nazym Qyzaıbaı, Jaına Shekerbekova, Karına Ibragımova, Aıda Ábikeva, Valentına Halzova, Lázzat Kúngeıbaeva bar.

Qazaqstandyq boksshylardyń fınaldaǵy qarsylastary tómendegishe:

48 keli. Alýa Balqybekova - Lıý Chen-Lıng (Qytaı Taıpeıi)

50 keli. Nazym Qyzaıbaı - Ekaterına Paltseva (Reseı)

54 keli. Jaına Shekerbekova - Alean Savchýk (Italııa)

57 keli. Karına Ibragımova - Lıýdmıla Vorontsova (Reseı)

63 keli. Aıda Ábikeeva - Natalıa Sychýgova (Reseı)

75 keli. Valentına Halzova - Vıvıane Pıreıra (Brazılııa)

81 keliden joǵary. Lázzat Kúngeıbaeva - Hadıja Mardı (Marokko).

Halyqaralyq týrnırde Nadejda Rıabets, Mádına Nurshaeva jáne Farıza Sholtaı qola júldeger atandy.

Fınaldyq kezdesýler búgin, 10 aqpanda elorda ýaqytymen 22:00-de bastalady.

Eske salsaq, budan buryn Majarstan týrnırinde Aıbek Oralbaı nemis boksshysyn nokaýtqa túsirdi.