Marokko shegirtkesi Túrkistan oblysyndaǵy 10 aýdanǵa qaýip tóndirýi múmkin

TÚRKІSTAN. QazAqparat - Túrkistan oblysyndaǵy 10 aýdanda shegirtkemen kúres sharalary júrgiziledi. Bul týraly Agroónerkásiptik keshendegi memlekettik ınspektsııa komıteti Túrkistan oblystyq aýmaqtyq ınspektsııasynyń basshysy Ibragım Begasılov málimdedi, dep habarlaıdy QazAqparat tilshisi.

Túrkistan oblysynda asa qaýipti úıirli shegirtkelerge qarsy hımııalyq óńdeý jumystary men fıtosanıtarııalyq is-sharalar bıyl 10 aýdannyń aýmaǵynda júzege asady. Atap aıtar bolsaq, Saryaǵash, Keles, Arys, Báıdibek, Tóle bı, Qazyǵurt aýdandarynda «Marokko» atty úıirli shegirtkelermen kúres júrgizilmek.

Al, Sozaq aýdanyna azııalyq shegirtkeden qaýip bar. Atalǵan fıtosanıtarııalyq is-sharalardyń tıimdi júrgizilýin baqylaý jáne úılestirý maqsatynda ınspektsııa tarapynan 40 memlekettik ınspektorlar men 19 qyzmettik avtokólikter jumyldyrylyp otyr.

«Jergilikti sharýa qojalyq ıeleri sala mamandaryna shegirtkeniń tabylǵandyǵy týraly aqparat berse boldy, birden dárileý jumystaryn júrgizedi. Shegirtkeler kók daqyldyń barlyǵyna zııan keltiredi. Ásirese, úıirli shegirtkeler ósip turǵan jasyl jelekti 100 paıyzǵa deıin jaramsyz etip tastaıdy» - deıdi Ibragım Begasılov.