Marokko polıtsııasy 2 tonnadan astam marıhýana tárkiledi
03:33, 31 Qańtar 2022
RABAT. Sınhýa-QazAqparat – Marokko polıtsııasy 2,1 tonna marıhýana tárkiledi jáne halyqaralyq esirtki saýdasymen aınalysatyn toppen baılanysy bar degen kúdikpen úsh adamdy qamaýǵa aldy. Bul týraly QazAqparat Sınhýa agenttigine silteme jasap habarlaıdy.
Esirtki zaty Marokkonyń soltústigindegi Tanjer qalasynyń shetinde ornalasqan aǵash sheberhanasynan tárkilengen.
Qylmyskerler shekara beketinde polıtsııa ıtteriniń esirtkini tappaýy úshin marıhýanany úlken taqtaılardyń ishine arnaıy sańylaýlarǵa jasyryp, ústine hımııalyq jabyn tósegen.
Birikken Ulttar Uıymynyń Esirtki jáne qylmys jónindegi basqarmasynyń málimetterine sáıkes, sońǵy 10 jylda Marokko esirtkiniń eń iri óndirýshileriniń biri bolyp otyr.