Marokko qaqpashysy Portýgalııamen matchta úzdik oıynshy atandy

ASTANA. QazAqparat – Qatarda fýtboldan ótip jatqan álem chempıonatynda Marokko qaqpashysy ıAssın Bono Portýgalııamen ótken matchtyń úzdik oıynshysy atandy, dep habarlaıdy QazAqparat tilshisi.

Atalmysh oıynda 31 jastaǵy ıA.Bono úsh soqqyny qaıtaryp, óz qaqpasyn aman alyp qaldy.

Sonymen qatar ıAssın Bono bir álem chempıonatyndaǵy úsh matchta óz qaqpasyna gol jibermegen birinshi afrıkalyq oıynshy atandy.

Búgin ol Marokko quramasynyń jeıdesin 50-inshi ret kıdi.

Jalpy, osy birinshilikte qarsylastary Marokkonyń qaqpasyna gol soǵa alǵan joq. Tek Kanadamen ótken kezdesýde Naıf Ager óz qaqpasyna dop soǵyp aldy. Biraq marokkolyqtar Kanadany 2:1 esebimen utty. Óz tobynan birinshi orynmen shyqqan Marokko pleı-ofta Ispanııa quramasyn penaltı serııasynda jeńdi. Munda da Bononyń sheberligi kórinip, ol eki soqqyny qaıtardy.

Klýbtyq deńgeıde Bono Ispanııanyń «Sevılıa» klýbynyń namysyn qorǵaıdy.

Búgin Marokko jartylaı fınalǵa shyqqannan keıin el astanasy Rabatta jankúıerler qurama jeńisin jappaı toılap jatyr.

Eske sala keteıik, budan buryn Nıderland quramasyn joldan taıdyrǵan Argentınanyń jartylaı fınalǵa shyqqanyn jazǵan bolatynbyz.

Sondaı-aq amerıkalyq jýrnalıst Nıderland-Argentına matchy kezinde kóz jumdy.

Brazılııada fýtbol jankúıerleri tóbelesip, 1 adam kóz jumdy.

Marokko Portýgalııany jeńip, ½ fınalǵa joldama aldy.

Portýgalııa jeńilgennen keıin Krıshtıaný Ronaldý kóz jasyna erik berdi.