Marlen Kólbaev Jetisý oblysy ákiminiń orynbasary bolyp taǵaıyndaldy

<p>Jetisý oblysy ákiminiń ókimimen Marlen Qapashuly Kólbaev oblys ákiminiń orynbasary bolyp taǵaıyndaldy, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

Kólbaev Marlen Qapashuly 1976 jyly týǵan, bilimi joǵary. «Jetisý» ınstıtýtyn «ekonomıka jáne menedjment», Ó.A.Joldasbekov atyndaǵy ekonomıka jáne quqyq akademııasyn «ıýrısprýdentsııa» mamandyqtary boıynsha bitirdi.

Eńbek jolyn Іshki ister basqarmasy kúzet bóliminiń polıtsııa qyzmetkeri bolyp bastaǵan. Birshama jyl «Jetisý» ekonomıkalyq ınstıtýtynda túrli qyzmetter atqardy.

Keıin Taldyqorǵan qalasynyń kásipkerlik bóliminiń bastyǵy, Taldyqorǵan qalasy ákiminiń orynbasary, «Jetisý» ÁKK» UK» AQ agroónerkásip kesheni departamentiniń bas menedjeri, Taldyqorǵan qalalyq adamı resýrstardy basqarý departamentinde jobalardy basqarýdyń bas menedjeri, «JetisýAgroSaýda» JShS-nyń Taldyqorǵan aımaǵy boıynsha bastyǵy, Taldyqorǵan qalasy ákimi apparatynyń basshysy, qala ákiminiń orynbasary, Almaty oblysynyń Mádenıet, arhıvter jáne qujattama basqarmasynyń basshysy laýazymdaryn atqardy.

2022 jyldyń tamyz aıynan Kóksý aýdanynyń ákimi boldy.

Sondaı-aq Jetisý oblysy ákiminiń ókimimen Rýstam Alı basqa jumysqa aýysýyna baılanysty oblys ákiminiń orynbasary laýazymynan bosatyldy.