Marqum Sherzat Polattyń ákesiniń ústinen qylmystyq is qozǵaldy

<p>QONAEV. KAZINFORM - Almaty oblysynyń Polıtsııa departamenti 10 jeltoqsan kúni ustalǵan Qarjaýbaı Nurymovtyń ústinen bótenniń múlkin qasaqana búldirý faktisi boıynsha qylmystyq is qozǵalǵanyn habarlady.</p>

Polıtsııa málimetinshe, 10 jeltoqsanda Eńbekshiqazaq aýdanynyń Azat aýylynda bolǵan jerleý rásimi kezinde avtokólik ıesine materıaldyq zalal keltirilgen.

- Bul ákimshilik jaýapkershilik sheginen edáýir asyp, is-árekettiń qylmystyq saralanýyna ákep soǵady. Qazirgi ýaqytta oqıǵanyń barlyq mán-jaıdy anyqtaý maqsatynda jan-jaqty, tolyq jáne obektıvti tergeý júrgizilip jatyr, - dep habarlady departamentten.

Eske salaıyq, buǵan deıin sot sheshimimen Qarjaýbaı Nurymov 15 táýlikke qamalǵanyn jazǵanbyz.

Ol Azat aýylynda jerleý rásimin ótkizý kezinde qoǵamdyq tártipti buzǵany úshin ustalǵan bolatyn.

Odan buryn Talǵar mańynda Sherzat Polattyń aǵasy óli tabyldy.