Marqum Saltanat Núkenovany qorǵaǵan advokattyń ústinen qylmystyq is qozǵaldy — polıtsııa

<p>ASTANA. KAZINFORM &mdash; Búgin áleýmettik jelide marqum Saltanat Núkenovanyń múddesin qorǵaǵan advokat Janna Ýrazbahovanyń ústinen qylmystyq is qozǵalǵany jaıly aqparat tarady. Biz istiń mán-jaıyn Almaty qalasynyń polıtsııa departamentinen surap-bildik.&nbsp;</p>

— Bopsalaý jáne alaıaqtyq boıynsha qylmystyq istiń advokattary ústinen sotqa deıingi tergeý derekterin jarııa etkeni úshin, ıaǵnı Ý. jáne B. esimdi azamattarǵa qatysty qylmystyq is qozǵaldy. Olar qylmystyq is júrgizý zańnamasynda belgilengen tyıymǵa qaramastan, BAQ jáne áleýmettik jeli arqyly tergeý barysy týraly aqparat taratqan, — delingen resmı habarlamada. 

Odan bólek, aqparatta aıtylǵandaı, kúdiktiler tergeý áreketterin qasaqana buzǵan jáne protsessýaldyq protseske mindetti túrde qatysý kerektigin elemegen. 

Aıta keteıik, Janna Ýrazbahova eldi eleń etkizgen eks-sheneýnik Qýandyq Bıshimbaevqa qatysty qylmystyq iste jábir kórip, mert bolǵan Saltanat Núkenovanyń múddesin qorǵaǵan edi. 
Eske sala keteıik, Qýandyq Bıshimbaev 24 jylǵa sottaldy. 

Keıin eks-sheneýnik pen onyń týys baýyry sot úkimine qarsy shaǵym túsirdi, biraq ótinish oń sheshimin tappady, ıaǵnı sot úkimi ózgerissiz qaldy. 

Eske sala ketsek, 24 jylǵa sottalǵan Qýandyq Bıshimbaevtyń jazasyn qaı jerde ótep jatqany týraly biraz qaýeset tarady.