Marqum Aıdos Shaımerdenniń denesi 70 metr tereńdikten qazyp alynǵan

<p>PAVLODAR. KAZINFORM &ndash; Maıqaıyńaltyn kenishindegi oıyqtan qazyp alynǵan úshinshi qutqarýshynyń múrdesi 70 metr tereńdikten tabylǵan. Qazirgi ýaqytta marqumnyń denesine quqyq qorǵaý organdary saraptama júrgizip jatyr. Bul týraly QR Tótenshe jaǵdaılar mınıstrliginen habarlandy.</p>

«2024 jylǵy 19 shildede «Maıqaıyńaltyn» AQ kúshimen jer qazý jumystaryn júrgizý kezinde 70 metr tereńdikte bir qutqarýshynyń denesi tabyldy. Ol 4 qańtarda «KÁAQQ ROSh» JShS-niń ózge úsh qutqarýshysymen birge avtobýs ishinde kele jatyp, jumys istemeıtin shahtanyń tazartý keńistigine qulaǵan. Budan buryn 2 qutqarýshyny izdeý jumystary qaıta jandanǵan. Skanerleý jáne avtobýstyń naqty ornalasqan jerin anyqtaý úshin skaneri bar «Altynalmas» AQ mamandary tartyldy. Skanerleý nátıjeleri boıynsha avtobýstyń 12 metr tereńdikte ornalasqandyǵy anyqtaldy. Avarııalyq-qutqarý jumystaryn júrgizý ornyna Pavlodar oblysy TJD qutqarýshylary keldi, olar «KÁAQQ ROSh» JShS-men birlesip deneni jer betine kóterip, jedel-tergeý tobyna tapsyrdy. Qaıtys bolǵan adamnyń týystaryna psıhologııalyq kómek kórsetý úshin TJD psıhology da keldi», - dep málimdedi mınıstrlikten. 

Eske sala keteıik, tabylǵan múrde marqum Aıdos Shaımerdendiki ekenin týystary rastaǵany týraly jazǵanbyz.