Marketpleısten satyp alǵan taýar sapasyz bolsa, keri qaıtarýǵa bola ma

<p>ASTANA. KAZINFORM &ndash; Qazir onlaın saýda qyzyp tur. Osy oraıda marketpleısten satyp alǵan taýarlardyń sapasyna kim jaýapty? Tutynýshylardyń quqyǵyn kim qorǵaıdy? Bul saýalǵa Saýda jáne ıntegratsııa mınıstri Arman Shaqqalıev jaýap berdi.</p>

- Tutynýshylardyń quqyǵyn qorǵaý týraly zań jobasy Májilistiń birinshi oqylymynda qaraldy. Aqpannyń aıaǵyna deıin ekinshi oqylymda talqylaımyz, sondaı jospar bar. Zańǵa birneshe ózgerister daıyndadyq, sonyń biri sheteldik marketpleıster úshin termınaldyq apparat engiziledi. Marketpleıs degen qandaı talaptarǵa saı bolýy kerek, onyń ishinde sheteldik bolsyn, otandyq bolsyn aıyrmashylyǵy joq, - dedi Arman Shaqqalıev Úkimet otyrysynan keıin baspasóz máslıhatynda. 

Odan ári mınıstr marketpleıterden satyp alynǵan taýarlardy sapasyz bolǵan jaǵdaıda keri qaıtarýǵa qatysty pikir bildirdi. 

- Marketpleıten taýar alǵanda, dúkennen alǵandaı eshqandaı aıyrmashylyǵy bolmaýy kerek. Marketpleıs kádimgi úıdiń janyndaǵy dúken sekildi, - deıdi ol. 

Osylaısha vedomstvo basshysy marketpleısten alynǵan sapasyz taýardy qaıtarýǵa bolatyndyǵyn aıtyp otyr. Sonymen qatar sheteldik jáne otandyq marketpleısterge talap birdeı jáne ortaq. 

Buǵan deıin Oljas Bektenov marketpleısterdegi taýarlardyń sapasyna qatysty suraqtyń kóptigin aıtqan edi. 

Aıta keteıik, elimizde bazarlar men dúkenderdiń qyzmetin tsıfrlandyrý josparlanyp otyr.