ASTANA. KAZINFORM – Facebook jelisiniń negizin qalaýshy Mark Tsýkerberg áıeli Prıstsılla Channyń 2 metrlik músinin ornatty. Bul týraly «The Guardian» basylymy habarlady.
Músindi Tiffany jáne Dior brendterimen jumys istegen Nıý-Iork sýretshisi Danıel Arsham jasaǵany atap ótildi. Chan jasyl túste, kúmis metaldan jasalǵan plaş kıgen.
Mark Tsýkerberg Instagram-daǵy paraqshasynda jarııalaǵan sýrette Chan músini aǵashtyń túbine qoıylǵanyn kórýge bolady.
Anyqtama úshin Mark Tsýkerberg pen Prıstsılla Chan 2003 jyly Garvardtaǵy stýdentter keshinde tanysqan. Erli-zaıyptylar 2012 jyly úılengen bolatyn. Qazir olar 9 jasar Maksıma, 7 jasar Avgýsta jáne 1 jasar Aýrelııa esimdi úsh qyzdy tárbıelep otyr.
Jarasqan Nurybaev
Nurybaev Jarasqan Beknazaruly
1990 jyldyń 12 qańtarynda Ózbekstan Respýblıkasynda týǵan.
"Nızamı" atyndaǵy Tashkent Memlekettik Pedagogıka Ýnıversıtetiniń túlegi.
Gazet jáne telearnalarda tilshi ári telejúrgizýshi qyzmetin atqarǵan.
Birneshe Halyqaralyq aqyndar músháırasynyń júldegeri.
Qazirgi tańda QR Prezıdentiniń Teleradıokesheninde "Qazaqparat" HAA shyǵarýshy redaktory