Mark Tsýkerberg áleýmettik jelilerdiń qurbany bolǵan jasóspirimderdiń ata-analarynan keshirim surady

<p>AQSh Senatynda Meta koroporatsııasynyń basshysy Mark Tsýkerbergti áleýmettik jelilerdiń yqpalynan zardap shekken ata-analardan keshirim suraýǵa májbúrledi, dep habarlaıdy&nbsp;<a href="https://variety.com/2024/digital/news/mark-zuckerberg-apologizes-parents-kids-exploited-senate-hearing-1235893220/" target="_blank" rel="noopener">Variety</a> portaly.</p>

AQSh Senatyndaǵy tyńdaýlar kezinde balalardy ınternette seksýaldyq maqsatta paıdalanýdaǵy ınternet-platformalardyń yqpaly talqylandy.

Senator Djosh Hoýlı Tsýkerbergke qarap: «Siz, balalary áleýmettik jeliniń qurbany bolǵan ata-analardan keshirim suradyńyz ba»,-dep surady jıynda.

Tsýkerberg ata-analarǵa burylyp qarap, keshirim surady jáne Meta kompanııasynyń balalarǵa tıgizer zııanyn azaıtýǵa barynsha kúsh salatynyn jetkizdi.

Senator Hoýlı Tsýkerbergti áleýmettik jelilerdegi zııandy kontentter men bir-biriniń ar-namysyna tııý áreketterin joıýǵa shaqyrdy.