Mark Tsýkerberg Facebook-tiń jańa dızaınyn tanystyrdy

NUR-SULTAN. QazAqparat - Taıaý kúnderi Facebook saıtynyń jańa dızaıny paıda bolady. Bul jaıly osy áleýmettik jeliniń negizin qalaýshy Mark Tsýkerbergtiń ózi málim etti, dep habarlaıdy «QazAqparat» HAA tilshisi.

«Facebook-tiń jańa dızaıny - áldeqaıda qarapaıym. Jalpy aıtqanda, biz tutynýshylardyń izdegenin ońaı tabýyn jeńildetip, jıi qoldanylatyn tetikterdi usynatyn bolamyz», - dedi Mark Tsýkerberg Kalıfornııada ótken konferentsııa barysynda.

Áleýmettik jelini oılap tabýshynyń aıtýynsha, keıbir jańartylǵan qyzmetter Facebook-tiń mobıldi qoldanbalaryna engizilip úlgergen, al kompıýterlerge arnalǵan nusqasy aldaǵy ýaqytta paıda bolady.

Sondaı-aq, áleýmettik jeli 15 jyl kóleminde qoldanylyp kelgen kók tústi fonnan bas tartpaqshy. Jańa nusqada aq tús fon retinde tańdalynbaq.

Facebook áleýmettik jelisin 2004 jyly Mark Tsýkerberg jáne onyń grýppalastary oılap tapty. Іri áleýmettik jeli tutynýshylarynyń sany búginde 2 mlrd-tan astam. Onyń qyzmetin kún saıyn 1 mlrd adam qoldanady.

Avtor: Aqbota Kúzekbaı