Marına Sedneva - Áıelder kúresinen Azııa chempıonatynyń qola júldegeri

ASTANA. QazAqparat - Búgin Astana qalasynda ótip jatqan áıelder kúresinen Azııa chempıonatynda qazaqstandyq Marına Sedneva (55 keli) qola júldeger boldy, dep habarlaıdy QazAqparat tilshisi.

Qazaqstandyq balýan 3-oryn úshin saıysta Ngýen Tı Maı Trangpen sheberlik baıqasty. Beldesý barysynda ol jınaqy qımyl kórsetti. Nátıjesinde qarsylasynan basym túsip, qola júldege qol jetkizdi.

Aıta ketsek, búgin jáne erteń áıelder kúresinen Azııa birinshiligi ótedi.

Búgin 50, 55, 59, 68, 76 kelidegi balýandar júldelerdi sarapqa saldy. Olardyń arasynan el quramasynan Marınadan basqa Elmıra Syzdyqova (76 keli) fınalǵa shyqsa, Dıana Kaıýmova (59 keli), Elena Shalygına (68 keli) qola júldege talasady.

Eske salsaq, grek-rım kúresinen Azııa chempıonatynda el quramasy jalpy esepte 3-orynǵa turaqtady. Enshisinde 1 altyn, 2 kúmis jáne 5 qola medal bar.