Marıhýanamen ustalǵan Maqtaaral turǵyny qylmysyn jasyrý úshin polıtseıge para usyndy

MAQTAARAL. QazAqparat - Túrkistan oblysynda polıtseıge para usynǵan kúdikti qamaýǵa alyndy, dep habarlaıdy QazAqparat oblystyq polıtsııa departamentine silteme jasap.

Maqtaaral polıtsııasynyń kezekshi bólimine jergilikti turǵyndardyń biri esirtki zatyn satýmen aınalysatyny týraly habar kelip túsken.

Osydan soń habar alysymen polıtseıler aqparatty nazarda ustap, tekserý jumysyn júrgize bastady.

Polıtsııa qyzmetkerleri Maqtaaral aýdany Atakent aýyly turǵynynyń úıin jeke tintý barysynda 5 dana esirtki zatyn shegetin qurylǵy, 1 dana paketke salynǵan esirtki zatyna uqsas zat jáne 1 dana kastet pen esirtki zatynyń dánin tapty.

Aıǵaqty zattar saraptamaǵa joldanyp, kúdikti PB-ge jetkizildi. Saraptama qorytyndysyna sáıkes 6 grammǵa jýyq «marıhýana» ekeni belgili boldy.

Tártip saqshylary oryn alǵan oqıǵany QR QK-niń 297-baby boıynsha tirkep, sotqa deıingi tergeý amaldaryn bastady.

ıAǵnı osy atalǵan jaıtqa baılanysty qylmystyq isti tergeý barysynda kúdikti azamat tártip saqshysyna istiń ońtaıly sheshilýi úshin para usynady.

Tergeýshi ol isiniń zańǵa qaıshy ekenin aıtqanymen, kúdikti bul áreketin birneshe ret qaıtalaıdy.

Osydan soń kúdikti azamatqa qatysty QR QK-niń 367-baby «Para berý» boıynsha qylmystyq is qozǵalyp, kúdikti er azamat qamaýǵa alyndy.

Qazirgi tańda kúdiktige qatysty atalmysh eki bap boıynsha tergeý amaldary júrgizilýde.