Marhabat Jaıymbetov QR IIDM Qurylys komıtetiniń tóraǵasy qyzmetinen bosatyldy

NUR-SULTAN. QazAqparat - QR Úkimetiniń Qaýlysymen Marhabat Jaıymbetuly Jaıymbetov bergen ótinishine sáıkes Qazaqstan Respýblıkasy Indýstrııa jáne ınfraqurylymdyq damý mınıstrliginiń Qurylys jáne turǵyn úı-kommýnaldyq sharýashylyq isteri komıtetiniń tóraǵasy qyzmetinen bosatyldy, dep habarlaıdy QazAqparat úkimettiń resmı saıtyna silteme jasap.

Marhabat Jaıymbetov 1965 jyly Qyzylorda oblysynda týǵan. KSRO Melıoratsııa jáne sý sharýashylyǵy mınıstrliginiń Qyzylorda polıtehnıkýmyn, Volgograd aýyl sharýashylyǵy ınstıtýtyn, Qorqyt ata atyndaǵy Qyzylorda memlekettik ýnıversıtetin, Iork ýnıversıtetin bitirgen. Eńbek jolyn energetık bolyp bastaǵan, basshylyq qyzmetter atqarǵan, Qyzylorda oblysy ákiminiń orynbasary, Qyzylorda qalasynyń ákimi, Aral aýdanynyń ákimi, QR Prezıdent Ákimshiliginiń memlekettik ınspektory boldy. Sońǵy jyldary Qazaqstan Respýblıkasy Indýstrııa jáne ınfraqurylymdyq damý mınıstrliginiń Qurylys jáne turǵyn úı-kommýnaldyq sharýashylyq isteri komıtetiniń tóraǵasy qyzmetin atqardy.