Margarın bir jylda 27,6 paıyzǵa qymbattady

ASTANA. QazAqparat - Sáýir aıynda Qazaqstanda margarınniń ortasha baǵasy kelisine 1031 teńge boldy, dep habarlaıdy QazAqparat ulttyq statbıýroǵa silteme jasap.

Ótken jyldyń sáýir aıymen salystyrǵanda bul ónim 27,6% qymbattaǵan.

Eń qymbat margarın Astana qalasynyń turǵyndaryna tıesili, munda bul ónimniń ortasha baǵasy 1457 teńge deńgeıinde tirkelgen.

Tarazda ortasha baǵa 1100 teńge bolsa, Almatyda margarınniń kelisi úshin orta eseppen 935 teńge, Shymkentte 948 teńge jumsaý kerek.

Margarınniń eń arzan kelisi Qyzylordada – 790 teńge.

Eske salsaq, 2022 jyldyń qańtar-jeltoqsan aılary aralyǵynda Qazaqstanda 64,5 myń tonna margarın jáne uqsas taǵamdyq maılar óndirilgen.

2021 jyly bir myń tonnaǵa (65,5 myń tonna) artyq ónim óndirildi.