Mardymsyz jalaqy saldarynan 30 jylda el ǵalymdarynyń sany 2 ese qysqarǵan
Mundaı derekter ashyq talqyǵa shyǵarylǵan 2023-2029 jyldarǵa arnalǵan joǵary bilim jáne ǵylymdy damytý tujyrymdamasynda keltirilgen, dep habarlaıdy QazAqparat tilshisi.
«Sońǵy 30 jylda ǵalymdar sanynyń 2 ese qysqarýy baıqalady (1991 jyly 40,8 myń adamnan 2021 jyly 21,6 myń adamǵa deıin). Ǵalymdar eńbekaqysynyń turaqsyz ári tómen deńgeıi kadrlyq jáne ǵylymı áleýettiń negizgi problemalarynyń birine aınalyp otyr. Osynyń saldarynan ǵylym salasynyń tartymdylyǵy tómen. Máselen, 2021 jyly ǵalymdardyń ortasha jalaqysy 187,7 myń teńgeni qurady. Bul Qazaqstandaǵy ortasha jalaqynyń 75 % teń», - delingen qaýlyda.
Eske salaıyq, aldaǵy úsh jylda ǵylymdy damytýǵa 640 mlrd teńgeden astam qarajat bólinedi.
2023-2029 jyldarǵa arnalǵan joǵary bilim jáne ǵylymdy damytý tujyrymdamasy 3 naýryzǵa deıin kópshilik talqylaýda bolady.