Marat Qojaev «Vagner» quramynda bolǵany úshin Ýkraınada sottalǵan qazaqstandyq týraly pikir bildirdi

ASTANA. QazAqparat – Іshki ister mınıstriniń birinshi orynbasary Marat Qojaev «Vagner» jeke áskerı kompanııasynyń quramynda bolǵany úshin Ýkraınada sottalǵan Qazaqstan azamaty elimizde de qylmystyq jaýapqa tartylatynyn aıtty, dep habarlaıdy QazAqparat tilshisi.

Búgin Májiliste tilshiler mınıstrdiń orynbasarynan «Vagner» jeke áskerı kompanııasy quramynda bolǵan jáne Ýkraınada sottalǵan Qazaqstan azamaty týraly surady.

«Meniń oıymsha, atalǵan adamǵa qatysty máseleni Syrtqy ister mınıstrligi pysyqtap jatyr. ıAǵnı bul taqyryp syrtqy saıası vedomstvo quzyretinde. Basqa elderdiń aýmaǵyndaǵy qarýly qaqtyǵystarǵa qatysqandarǵa Qazaqstanda qylmystyq jaýapkershilik qarastyrylǵan», - dedi M. Qojaev.

Onyń aıtýynsha, bul adam Ýkraınada taıaýda ǵana sottalǵan. Ony Qazaqstanǵa ekstradıtsııalaý máselesi aldaǵy ýaqytta qaralýy múmkin.

Aıta keteıik, buqaralyq aqparat quraldarynda «Vagner» jeke áskerı kompanııasy quramynda bolǵan Qazaqstan azamatyn Ýkraınada 9 jylǵa bas bostandyǵynan aıyrý týraly úkim shyqqany habarlandy.

Budan bólek, bıyl sáýir aıynda Qazaqstannyń syrtqy ister mınıstrligi QR SІM «Vagner» quramyna ótken stýdent Qazaqstanda qylmystyq jaýapqa tartylatynyn jarııalady. Osyndaı áskerı kompanııalardyń quramyna kiretin adamdar elimizde 5 jyldan 9 jylǵa deıin jazaǵa tartylady.