Marat Qarabaev Almaty mańynda qańtarylyp turǵan 300 avtobýsqa qatysty pikir bildirdi

ASTANA. QazAqparat – QR Indýstrııa jáne ınfraqurylymdyq damý mınıstri Marat Qarabaev Almaty qalasynyń mańynda qańtarylyp turǵan 300 avtobýsqa qatysty pikir bildirdi, dep habarlaıdy QazAqparat tilshisi.

Onyń atap ótýinshe, buǵan deıin Almaty ákimdigi qalada qoldanysta bolǵan kólik quraldarynyń nelikten Almaty oblysynda tap bolǵanyn túsindirgen.

«Bul avtobýstardyń Almaty oblysy ákimdigine berilgenine qatysty uıǵarym bar. Olar jańa emes. Olar tozǵan, Almaty ákimdigi paıdalanǵan. Qala ákimdigi olardy Almaty oblysy ákimdiginiń balansyna berý týraly sheshim qabyldaǵan», - dedi mınıstr Úkimet otyrysynan keıin BAQ ókilderiniń saýalyna oraı.

Buǵan deıin Instagram-da kóptegen avtobýstyń bir jerde turǵany túsirilgen kadr taraǵan edi.