Marat Qarabaev aldaǵy jylytý maýsymyna deıin atqarylýy tıis is-sharalardy atady
«Aldaǵy jylý berý maýsymyna daıyndyq aıasynda oblystardyń, Almaty, Astana jáne Shymkent qalalarynyń jergilikti atqarýshy organdary turaqty jylýmen jabdyqtaýdy qamtamasyz etý úshin jylytý maýsymy aıaqtalǵannan keıin turǵyn úı-kommýnaldyq sharýashylyqtyń jáne áleýmettik salanyń barlyq obektilerin aldaǵy 2023-2024 jyldardaǵy jylý berý maýsymyna daıyndaý jónindegi is-sharalar josparyn ázirleýi jáne bekitýi, kómir qajettiliginiń durys josparlaryn qalyptastyrýy qajet», - dedi mınıstr búgin Úkimet otyrysynda.
Sonymen qatar, onyń atap ótýinshe, jergilikti atqarýshy organdar 2023 jylǵy 1 maýsymǵa deıingi merzimde jylý jelileriniń jaı-kúıine tehnıkalyq tekserý júrgizýge jáne jeke jelilerdi kommýnaldyq menshikke berýdiń oryndylyǵy máselesin qaraýǵa, 2023 jyldyń sońyna deıin 2024 jylǵy qurylys-montajdaý jumystaryn qamtamasyz etý úshin jobalyq-smetalyq qujattama ázirleýdi aıaqtaýǵa, jazǵy ýaqytta tuıyqtarda jáne kómir shuńqyrlarynda kómir qorlaryn jınaýdy bastaýǵa, saýda bırjasynyń ashyq jumysyn jáne kólemderdiń birkelki bólinýin qamtamasyz etýge mindetti.
«Jalpy, jylý berý maýsymyna daıyndyq jáne ony ótkizý mınıstrliktiń turaqty baqylaýynda», - dedi ol.
Mınıstr buǵan deıin atap ótkendeı, Pavlodar, Abaı, Qaraǵandy, Shyǵys Qazaqstan jáne Soltústik Qazaqstan oblystarynda jylý jelileri kóp tozǵan.
Aıtýynsha, 2029 jylǵa qaraı jylýmen jabdyqtaý jelileriniń tozýyn 43 paıyzǵa deıin tómendetý mindeti tur.