Marat Iǵalıev QR IDM Týrızm ındýstrııasy departamentiniń dırektorlyǵyna taǵaıyndaldy
1974 jylǵy 31 tamyzda Atyraý oblysynda týylǵan. «Tarıh jáne geografııa páni muǵalimi» mamandyǵy boıynsha Aqtóbe pedagogıkalyq ınstıtýtyn (1991), «Memlekettik qyzmet menedjeri» mamandyǵy boıynsha Qazaqstan Respýblıkasy Prezıdentiniń janyndaǵy memlekettik qyzmet akademııasyn (1999), Ál-Farabı atyndaǵy Qazaq ulttyq ýnıversıtetiniń aspırantýrasyn úzdik aıaqtady, saıasat ǵylymdarynyń kandıdaty.
Eńbek jolyn 1999 jyly Qazaqstan Respýblıkasy Qaýipsizdik keńesi Analıtıkalyq ortalyǵynyń sarapshysy bolyp bastady.
2001 jyldan bastap bank salasynda jumys atqardy.
2003 jyldan bastap Aqtóbe oblysy ákiminiń apparaty basshysy; «Atameken» Jalpyulttyq kásipkerler jáne jumys berýshiler odaǵy baspasóz qyzmetiniń basshysy; Qazaqstan Respýblıkasy Prezıdentiniń Ákimshiligi Memlekettik baqylaý jáne uıymdastyrý jumysy bóliminiń sarapshysy jáne bas ınspektory; Qazaqstan Respýblıkasy Qorshaǵan ortany qorǵaý mınıstriniń keńesshisi; Qazaqstan Respýblıkasy Qorshaǵan ortany qorǵaý mınıstrligi Ekologııalyq retteý jáne baqylaý komıteti tóraǵasynyń orynbasary bolyp jumys atqardy.
2009 jyldan bastap «Nur Otan» HDP Ortalyq apparaty Hatshylyǵynyń sarapshysy, aqparat jáne taldaý departamentiniń dırektory; Qazaqstan Respýblıkasy Indýstrııa jáne saýda mınıstrligi Saýda komıteti tóraǵasynyń orynbasary; Qazaqstan Respýblıkasy Indýstrııa jáne jańa tehnologııalar mınıstriniń keńesshi - baspasóz hatshysy; Qazaqstan Respýblıkasy Indýstrııa jáne jańa tehnologııalar mınıstrligi Atom energııasy komıteti tóraǵasynyń orynbasary; Qazaqstan Respýblıkasy Indýstrııa jáne jańa tehnologııalar mınıstrligi Ákimshilik-kadr jumysy departamentiniń dırektory; Qazaqstan Respýblıkasy Indýstrııa jáne jańa tehnologııalar mınıstrligi Týrızm ındýstrııasy komıtetiniń tóraǵasy bolyp eńbek etti.
2014 jyldyń qazan aıynan bastap QR Investıtsııalar jáne damý mınıstrligi Kadr jumysy departamentiniń dırektory boldy.