Marat Beketaev isi: tergeý aıaqtalǵan, Antıkor materıaldarmen tanysyp jatyr

<p>ASTANA. KAZINFORM &ndash; Sybaılas jemqorlyqqa qarsy is-qımyl agenttigi eks-Ádilet mınıstri Marat Beketaev jáne basqa aıyp taǵylǵan tulǵalarǵa qatysty qylmystyq is materıaldarymen tanysyp jatyr.&nbsp;</p>

«Atalǵan qylmystyq iske qatysty tergep-tekserý amaldary aıaqtaldy. Qazir protseske qatysýshylar qylmystyq is materıaldarymen tanysyp jatyr. Qylmystyq-protsestik kodekstiń 201-babyna sáıkes atalǵan iske qatysty ózge aqparat jarııa etýge jatpaıdy», - dep qysqa qaıyrdy vedomstvonyń resmı ókili Danııar Bıgaıdarov agenttik tilshisiniń saýalyna.

Agenttik ókili eks-mınıstrge qatysty qylmystyq ispen tanysý protsesi qashan aıaqtalatynyn jáne isti sotqa jiberý merzimin naqty atamady.

Aıta ketsek, jaqynda Májilis kýlýarynda BAQ ókilderi Sybaılas jemqorlyqqa qarsy is-qımyl agenttigi tóraǵasynyń birinshi orynbasary Ulan Sarqulovtan eks-mınıstr Marat Beketaev pen «Bolashaq» bas dırektorynyń isin ne baılanystyratynyn surady.

Eske sala keteıik, burynǵy Ádilet mınıstri byltyr qazanda laýazymdyq ókilettigin asyra paıdalandy degen kúdikpen ustalǵan edi.

Antıkordyń málimetinshe, ol talap etilmeıtin qyzmetterdi kórsetýge jyl saıynǵy kelisimsharttar jasaý arqyly úlestes kompanııanyń múddesin qoldaǵan. Eks-sheneýnikti qamaýda ustaý merzimi birneshe ret uzartyldy. Sońǵy ret bıyl 21 mamyrda 2024 jylǵy 21 maýsymǵa deıin qamaý sanktsııalandy.

Bıyl 12 shildede Sybaılas jemqorlyqqa qarsy is-qımyl agenttigi burynǵy Ádilet mınıstri Marat Beketaevqa qatysty tergeý amaldary aıaqtalǵanyn habarlady.