Marat Beketaev patent júıesine qatysty zań jobasyn Senatta tanystyrdy

NUR-SULTAN. QazAqparat – Ádilet mınıstri Marat Beketaev Senatta «1994 jylǵy 9 qyrkúıektegi Eýrazııalyq patent konventsııasyna ónerkásiptik úlgilerdi qorǵaý týraly hattamany ratıfıkatsııalaý týraly» zań jobasyn tanystyrdy, dep habarlaıdy QazAqparat tilshisi.

«Hattamada ónerkásiptik úlgilerge eýrazııalyq patentterdiń quqyqtyq qorǵaý erekshelikteri, áreket etý qaǵıdattary, ótinish berýshilerdiń, quqyq ıelenýshilerdiń quqyqtary men mindetteri, sondaı-aq Eýrazııalyq patent vedomstvosy júzege asyratyn mindettemeler men ýákilettikter kózdelgen. Atalǵan zań jobasy óńirlik patent júıesin jetildirý maqsatynda engizilip otyr. Halyqaralyq patentteý kezinde ár memlekette jeke ótinim berý jáne jeke tólemderdi tóleý aıtarlyqtaı ákimshilik kedergi bolyp tabylady. Qazaqstandyq ótinim berýshiler úshin óńirlik júıeniń artyqshylyǵy – obektini segiz memlekette bir ýaqytta qorǵaý úshin Eýrazııalyq patent vedomstvosyna júginý múmkindigi», - dedi Marat Beketaev Parlament Senatynyń otyrysynda.

Onyń aıtýynsha bul júıe Eýrazııalyq aýmaqta saýda jasaý barysynda ónerkásiptik úlgilerdi qorǵaýdyń deńgeıin arttyrýǵa jáne osy júıeniń múshe memleketteriniń ınvestıtsııalyq tartymdylyǵyn arttyrýǵa múmkindik beredi. Óńirlik patent eýrazııalyq naryqqa baǵyttalǵan otandyq taýar óńdirýshileriniń múmkindikterin arttyrady.