Marat Beketaev quqyq qorǵaý organdarynan jaltaryp, basqa jaqqa ketpek bolǵan – Bas prokýratýra

<p>Burynǵy Ádilet mınıstri Marat Beketaev Qazaqstannyń quqyq qorǵaý organdarynan jaltarýǵa áreket etti. Bul týraly Bas prokýrordyń orynbasary Áset Shyndalıev aıtty, dep habarlaıdy Kazinform.</p>

«Beketaevqa qatysty qyzmettik ókilettigin asyra paıdalaný baby boıynsha kúdikti dep,  qylmystyq qýdalaý júrgizilip jatyr. Sottyń sanktsııasymen ol qamaýǵa alyndy. Qamaýǵa alý sebebi – ol quqyq qorǵaý organdarynan jaltarýǵa áreket etken jerinen ustaldy», - dedi Á. Shyndalıev Kazinform tilshisine bergen suhbatynda.

Bas prokýrordyń orynbasmaryna «kúdikti maqsatty túrde shetelge ketip bara jatty ma» degen suraq qoıdyq.

«Ol quqyq qorǵaý organdarynan basqa jaqqa qashpaqshy boldy. Sol áreketi kezinde ustalyp, kúdikti ekenin eskere otyryp, onyń qashýǵa oqtalǵan maqsatyn eskerip, Beketaev qamaýǵa alyndy. Qazir tergeý amaldary júrip jatyr. Qylmystyq is júrgizý kodeksine sáıkes, tergeý amaldarynyń málimetin jarııalaýǵa tyıym salynady. Sondyqtan istiń mán-jaıyn tolyq aıta almaımyn», - dedi Áset Shyndalıev.

Bul rette ol osyǵan deıin kúdiktiniń zańsyz áreketteri boıynsha tekserý bolǵanyn aıtty.

Anyqtalǵan derekter aıasynda qylmystyq is qozǵaý týraly sheshim jasaldy.