Marat Beketaev QR Prezıdentiniń keńesshisi ser Sýma Chakrabartımen kezdesti

NUR-SULTAN. QazAqparat - QR Ádilet mınıstri Marat Beketaev Memleket basshysy Qasym-Jomart Toqaevtyń keńesshisi ser Sýma Chakrabartımen kezdesti, dep habarlaıdy QazAqparat tilshisi.

«Búgin Ádilet mınıstrliginde Prezıdenttiń keńesshisi – Reformalar jónindegi joǵary keńes tóraǵasynyń orynbasary ser Sýma Chakrabartımen kezdesý ótti. Kezdesý barysynda ser Sýma Chakrabartı Ádilet mınıstrliginiń qurylymy jáne qyzmetimen, onyń Qazaqstandaǵy quqyqtyq reformalardy iske asyrýdaǵy rólimen tanysty», - delingen atalǵan mınıstrlik taratqan aqparatta.

Vedomstvo málimetinshe, ser Chakrabartı óz kezeginde mınıstrliktiń ashyqtyq pen odan ári yntymaqtastyqqa daıyn ekendigi úshin alǵys bildirgen.