Marat Báshimov: Ulttyq keńes músheleriniń Májiliske barǵanyn qoldaımyn
«Bul tizimniń maǵan unaǵan tusy – jastardyń Májiliske kóptep kelýi. Burynǵy quramdarda zeınetkerler, eki-úsh shaqyrylymda depýtat bolǵandar kóp bolatyn. Májiliste otyrǵanymen naqty másele kótermeıtin úndemes depýtattar da bar edi. Shynymdy aıtsam, sondaılarǵa kóńilim tolmaıtyn. Endi qazir qarasańyz, elge tanylǵan birshama jastar bar eken. Tizimge azamattardyń birazynyń kirgenin pozıtıvti jańalyq retinde qarsy aldym. Ásirise Ulttyq keńes músheleriniń Májiliske barǵanyn qoldaımyn. Berik Ábdiǵalıuly, Aıdos Sarym, Erlan Saıyrov qatarly azamattardyń Ulttyq keńes quramynda da birshama eńbek etkeni belgili. 30 paıyzdyq kvota jaǵy da eskerilip, jastar men áıelderdiń Májilis quramynda burynnan qaraǵanda kóbirek bolǵanyn da atap ótý kerek», - dedi Marat Báshimov QazAqparat tilshisine telefon arqyly bildirgen pikirinde.
Eske sala ketsek búgin «Nur Otan» partııasy Saıası keńesi Bıýrosynyń sheshimimen 76 kandıdattan turatyn tizim bekitilgen bolatyn . Depýtattyqqa kandıdattardyń 7-ýi ǵana burynǵy memlekettik qyzmetker, ıaǵnı Fraktsııa quramynda olardyń sany 10%-ten aspaıdy.