Marat Ázilhanov QHA tıimdiligin arttyrýǵa baǵyttalǵan sharalardy atady
Onyń aıtýynsha, Qazaqstan halqy Assambleıasy men etnomádenı birlestikterdiń áleýmettik jumysyn júıeli negizge keltirý kerek.
«Qazaqstan Respýblıkasy Táýelsizdiginiń 30 jyldyǵyna arnalǵan Qazaqstan halqy Assambleıasynyń HHІH sessııasy Qazaqstannyń Tuńǵysh Prezıdenti - Elbasy Nursultan Nazarbaevtyń beıbitshilik pen kelisim saıasatyn damytýǵa jańa serpin berdi», - deıdi ol
Keńes barysynda QHA tóraǵasynyń orynbasary Qazaqstan halqy Assambleıasynyń tıimdiligin arttyrýǵa baǵyttalǵan jańa praktıkalyq sharalardy atady.
«Tájirıbelik deńgeıde Assambleıaǵa eldiń jańa ımıdjin jáne ulttyń jańa biregeıligin qalyptastyrýǵa úles qosý; Assambleıanyń tıimdiligin arttyrý boıynsha sharalar qabyldaý; QHA mekemeleri kez-kelgen qıyndyqqa qarsy turýǵa daıyn bolýy kerek; qoǵamdyq dıplomatııany damytý; dostyq elshileriniń korpýsyn keńeıtý»,- dedi ol.
Kezdesýge qatysýshylar etnomádenı birlestikterdiń Qazaqstan halqy Assambleıasynyń HHІH sessııasynyń nusqaýlaryn júzege asyrýdaǵy róli men mindetterin, halyqtyń ózekti áleýmettik máselelerin sheshýdi, qaıyrymdylyq pen eriktilerdiń naqty jobalaryn, ekologııalyq aktsııalar ótkizý, órtten zardap shekken Rıdder qalasynyń turǵyndaryna QHA tarapynan kórsetilgen kómek týraly aıtty.
«Búginde etnomádenı birlestikterdiń qoldaýy aıtarlyqtaı baıqalmaıdy. Osyǵan baılanysty biz etnomádenı birlestikterden bul aktsııaǵa belsendi túrde qosylýdy suraımyz. Qazir Shyǵys Qazaqstan oblysynyń ákimdigimen kelise otyryp, belgili bir otbasyǵa nemese oıyn alańyna bir úı salý múmkindigin qarastyrý maqsatynda qarajat jınaý júrip jatyr. Bul mádenı birlestik júzege asyryp jatqan bir ǵana áreket. Jumys jalǵasady «, - dedi Marat Ázilhanov.
Aıta keteıik, 2020 jyly Assambleıa 1,7 mlrd teńgege qaıyrymdylqy kómek kórseti.