Marat Ahmetjanov turmystyq zorlyq-zombylyqtyń basty sebepterin atady

ASTANA. QazAqparat – Turmystyq zorlyq-zombylyq problemasyn kúshteý sharasymen sheshý múmkin emes. Bul týraly Úkimet otyrysynda Іshki ister mınıstri Marat Ahmetjanov aıtty, dep habarlaıdy QazAqparat tilshisi.

Mınıstrdiń aıtýynsha, turmystyq zorlyq-zombylyq problemasyn tek kúshteý, májbúrleý sharasymen sheshý múmkin emes.

«Polıtsııanyń qylmystyq nemese ákimshilik sharalary – tek saldarmen kúres ekenin atap ótý kerek. Bul jaǵdaıdyń túpki tamyry – áleýmettik problemalar. Atap aıtqanda, áleýmettik turaqsyzdyq, maskúnemdik, nashaqorlyq, psıhıkalyq aýrý, qumar oıyndarmen áýestený, moraldyq-adamgershilik qundylyqtyń álsireýi. Sondyqtan, bul máseleni sheshý úshin barlyq múddeli memlekettik organdar, ákimdikter, úkimettik emes uıymdar, barlyq qoǵam bolyp atsalysý kerek», - dedi Marat Ahmetjanov.

Buǵan deıin mınıstr bıyl otbasylyq-turmystyq salada 668 qylmys jasalǵanyn aıtty. Sondaı-aq, otbasynda zardap shekken 7,5 myń áıel daǵdarys ortalyqtaryna ornalastyrylǵan.