Marat Ahmetjanov esirtki qylmysy boıynsha ustalǵan polıtseıge qatysty pikir bildirdi
«Shynymen de jaqynda polıtseı ustaldy. Qylmys jasaǵan ár adam bizdiń zańnamaǵa sáıkes jaýapqa tartylady. Atalǵan kúdikti qamaýǵa alyndy. Qazir qyzmettik tekserý bastaldy. Onyń qorytyndysy boıynsha kináliler anyqtalsa, zań aıasynda belgilengen jaýapkershilikke tartylady», - dedi M. Ahmetjanov Májiliste tilshiler suraǵyna jaýap bere otyryp.
Sonymen qatar mınıstr Qostanaı oblysy ishki ister organynyń basshylyǵy da tıisti jaýapqa tartylatynyn aıtty.
Budan buryn habarlanǵandaı, 5 mamyrda Qostanaı oblysy boıynsha Ulttyq qaýipsizdik komıtetiniń departamenti men Qostanaı oblysynyń Polıtsııa departamenti Ózindik qaýipsizdik basqarmasynyń qyzmetkerleri birlesken operatsııa ótkizip, Qostanaı qalasynda sıntetıkalyq esirtki taratty degen kúdikpen polıtsııa qyzmetkerin ustady.